Viðarlundin

Standmyndin sum stendur í Viðarlundini er til minnis um føroyskir sjómenn sum lótu lív á sjónum undir Seinna Heimsbardaga.

Viðarlundin í Havn er størsta viðarlund í Føroyum. Viðarlundin verður eisini rópt Plantasjan. Viðarlundin fór illa í eini ódn í 1988.

Sangurin "Eitt sunnukvøld í Plantasjuni", sum Simme gav út í 1957, gjørdist ein sonn landaplága, og fimti ár seinni varð sangurin kosin "Størsta landaplágan í Føroya søgu" av Útvarpið Føroya. Sangurin útkom sama ár sum Útvarp Føroya byrjaði at senda. Plátan var ein av teimum fyrstu føroysku tónleika útgávunum.

Í Viðarlundini rennur Havnará. Har er eitt lítið vatn mitt í Viðarlundini, har dunnur og svanar halda til, benkur standa rundan um vatnið og aðrastaðnis í Viðarlundini. Havnarfólk og vitjandi dáma væl at ganga túr í Viðarlundini. Viðarlundin er millum Varðagøtu, Gundadalsveg og Hoydalsveg. Listasavn Føroya er í norðara enda av Viðarlundini.

Ein standmynd stendur á einum heyggi mitt í viðarlundini. Standmyndin er minnsvarði til minnis um teir 210 føroysku sjómenninar, ið lótu lív undir Seinna Heimsbardaga.

Myndir úr Viðarlundini

• 
  Útsýni yvir Viðarlundina.
• 
  Tjørn í Havnará.
• 
  Gøta framvið Havnará.
• 
  Trø ið fullu í jólaódnini í 1988, men liva enn.
• 
  Listasavn Føroya sæð úr Viðarlundini.
• 
  Listasavnið.
• 
  Standmynd.
• 
  Mariukirkjan sæð úr Viðarlundini.
• 
  Viðarlundin Ólavsøkuaftan 2010.
• 
  Minnisvarði teirra sjólátnu, 1985.
• 
  Upplýsingarskelti um fuglalívið í Viðarlundini.