Nunavut

(Flagg Nunavut)

(Skjaldarmerki Nunavut)

Tjóðarslagorð: ᓄᓇᕗᑦ ᓴᙱᓂᕗᑦ
"Nunavut Sannginivut"
"Okkara land, okkara styrki"

Tjóðsangur:

Alment mál Inuit (Inuktitut, Inuinnaqtun)
Enskt
Franskt

Høvuðsstaður

Iqaluit

Kommiserur Nellie Kusugak

Fyrsti ráðharri Joe Savikataaq

Fullveldi Ongantíð (Autonomur inuit-landslutur í Kanada)

Vídd
- tilsamans
- vøtn (%) 2 093 190 km²
7.9

Íbúgvar
- tilsamans 2011
- tættleiki 31,906
0.02/km²

Gjaldoyra Kanadiskur dollari (CAD)

Tíðarøki UTC -5 til -7

Økisnavn á alnetinum

.ca

Telefonkota +1

Almenn heimasíða: http://www.gov.nu.ca/

Nunavut (inuktitut: ᓄᓇᕗᑦ, "okkara land") er eitt kanadiskt meginøki, sum liggur í norðara parti av Kanada. Høvuðsstaðurin eitur Iqaluit. Hann liggur sunnarumegin á størstu kanadisku oynni, Baffinsland.

Landalæra

Nunavut er tann størsti og norðasti landspartur í Kanada. Víddin av meginøkinum er 2.093.190 ferkilometrar (1.936.113 ferkilometrar landøki og 157.077 ferkilometrar vøtn).^[1]

Tann 1. apríl í 1999 varð Nunavut lýst sum sjálvstýrandi meginøki. Í 2016 búðu her 35.944 fólk.^[2] Tey vanligastu móðurmálini í Nunavut eru inuktitut, sum tosa nærum tveir triðingar (63,1%) av øllum fólkum, og enskt, sum er móðurmál hjá nærum einum triðingi (31,5%) av samlaða fólkatalinum.^[3]

Upprunafólkið á staðnum, inuittar, eru 85 prosent av fólkinum í 2015. Tá ið tey fingu sjálvstýri, kundu tey fyri fyrstu ferð í stóran mun sjálv ráða í egnum landi og avgera, hvussu tey skulu skapa framtíð sína. Men tað er ikki lætt at stýra einum landsluti, sum er um leið líka stórur sum Grønland, har bara 34.000 fólk búgva, tey flestu spjadd í smáum bygdum. Vegalongdin í Nunavut er einans 21 kilometrar. Tey nýta flogfør at ferðast við og at flyta vørur við.

Fyrisitingarliga er meginøkið býtt upp í tríggjar partar. Landsparturin Qikiqtaaluk, sum er tann størsti, liggur norðuri og vesturi. Landsparturin Kitikmeot liggur vestanfyri og landsparturin Kivalliq er í ein útsynning.

Myndir

Osborn Range, Ellesmereoyggj (Umingmak Nuna), í landsparti Qikiqtaaluk.
Quttinirpaaq tjóðargarður, Ellesmereoyggj (Umingmak Nuna), í landsparti Qikiqtaaluk
Geodetic Hills, Axel Heiberg oyggj, í landsparti Qikiqtaaluk
Pangnirtung-fjørður á Baffinslandi í landsparti Qikiqtaaluk
Býurin Pangnirtung á Baffinslandi í landsparti Qikiqtaaluk
Høvuðsinngongdin hjá tinginum í Iqaluit, á eystursíðuni av baffinslandi í landsparti Qikiqtaaluk.
Bygningurin hjá stjórnini í Nunavut stendur í Cape Dorset (Kinngait í inuktitut), á vestursíðuni av baffinslandi í landsparti Qikiqtaaluk.
Cambridge Bay (inuinnaqtun: Iqaluktuuttiaq) í vestara landsparti Kitikmeot.
Inunnguaq, eitt slag av varða (Inuksuk), í Rankin Inlet (inuktitut: Kangiqliniq) í sunnara landsparti Kivalliq.
Rankin Inlet (inuktitut: Kangiqliniq) í sunnara landsparti Kivalliq.
Baker Lake (Qamanittuaq) í sunnara landsparti Kivalliq.