Nebbafiskur

How to read a taxobox Nebbafiskur
Nebbafiskur í Grønlandi Stødd samanborin við miðalmenniskja
Varðveitingarstøða
Vulnerable Varðveitingarstøða Viðbrekin
Frøðilig flokking
Ríki: Animalia (Dýr) Fylki: Chordata (Chordatar) Undirfylki: Vertebrata (Ryggdýr) Flokkur: Mammalia (Súgdjór) Hópur: Cetacea (Hvalir) Yvirætt: Mysticeti (Barduhvalir) Ætt: Balaenopteridae (Nebbafiskar) Slekt: Balaenoptera Linnaeus, 1758 Slag: B. physalus

Útbreiðsluøki hjá nebbafiski.

Nebbafiskur, í talumáli eisini nevndur finnhvalur, er ein stórur, mjávaksin barduhvalur. Hann er nakað minni enn royður. Nebbafiskur er sera kvikur og smidligur; hann er góður svimjari og skjýtir seg lættliga upp úr sjónum. Har ætið er tættast, er nebbafiskur at finna. Tá ið hann gloypir føðina, víðkar hann hálsfoyrurnar út sum eitt stórt opið regnskjól. Nebbafiskur liggur altíð á høgru lið, tá ið hann etur.

Navn

Upprunaliga hevur royður verið felagsnavnið fyri bláhval og nebbafisk, tí føroyingar hava ikki sæð mun á hesum báðum stóru og meinlíku hvalunum. Navnið nebbafiskur, ið kemur av eldri nebbahvalur, er uttan iva upprunaliga navnið fyri døgling, sum á eldri donskum eisini er kendur sum næbbehval, norskt nebbehval, sipandi til skapið á kjaftinum, ið líkist nevi. Hvussu hetta er vorðið navnið á ”finhvali” í nýggjari tíð, er ein gáta.

Beinagrind av nebbafiski

Nebbafiskur á føroyskum frímerki