Jens L. Thomsen

Frá Wikipedia, hin frælsa alfrøðin
Jump to navigation Jump to search

Jens L. Thomsen (f. 1980) er ein føroyskur tónleikari, prodjúsari og ljóðblandari.

Lívsleið innan tónleik[rætta | rætta wikitekst]

Jens er stovnari og leiðari av eksperimenterandi og innovativu tónleikaverkætlanini ORKA, ið m.a. er kend fyri heimagjørd ljóðføri og eitt serstakt sound. Í 2006 gjørdi Jens seg lidnan við sín BA við Honours í Music Technology á Thames Valley University í London. Frá 2006 til 2008 starvaðist hann sum upptøkutøkningur (engineer) í Kensaltown Recording Studios, London.

Jens hevur smíðað tónleik fyri teatur, t.d. Det Færøsche Compagnie, eins og soundtracks til ymiskar virðislønarvinnandi stuttfilmar hjá Marionnu Mørkøre & Rannvu Káradóttur og Heiðriki á Heygum. Í 2010 og 2011 smíðaði og framførdi hann tónleik til mótasýningar hjá klædnasniðgevanum Barbara í Gongini á Copenhagen Fashion Week. Umframt at hava túrað í Evropa og Norðuramerika við ymiskum listafólkum, er Jens krediteraður á yvir tredivu plátuútgávum, ið m.a. fevna um útgávur hjá ORKA, Eivør Pálsdóttur, Marthu Wainwright og Travis.

Jens vann í 2001 Prix Føroyar kappingina við bólkinum Clickhaze, móttók Student Achievement Award 2006 á Thames Valley University, var tilnevndur Tónlistavirðisløn Norðurlandaráðsins 2009, og vann fyrstu virðisløn á Liet International 2010.

Útgávur[rætta | rætta wikitekst]

Egnar útgávur[rætta | rætta wikitekst]

  • 2007 - ORKA "Livandi Oyða"
  • 2011 - ORKA "Óró"
  • 2012 - ORKA "Live at Transmusicales"
  • 2014 - ORKA "Leipzig"
  • 2016 - ORKA "Vað"

Við á øðrum útgávum[rætta | rætta wikitekst]

  • 2009 - The Desert Holds A Flower - Knút. Jens hevur spælt bass, upptikið og ljóðblandað.
  • 2010 - Larva - Eivør Pálsdóttir. Jens hevur framleitt, upptikið og ljóðblandað.
  • 2013 - On High - Knút. Jens hevur framleitt, upptikið og ljóðblandað.
  • 2013 - Unknown - Allan Tausen. Jens hevur framleitt, upptikið og ljóðblandað.
  • 2015 - Nón - Døgg Nónsgjógv. Jens hevur framleitt, upptikið og ljóðblandað.
  • 2015 - Altverkið - Altverkið. Jens hevur framleitt, upptikið og ljóðblandað.

Heiður[rætta | rætta wikitekst]

  • 2001 - Vann Prix Føroyar kappingina við bólkinum Clickhaze
  • 2006 - Móttók Student Achievement Award á Thames Valley University
  • 2009 - Var tilnevndur Tónlistavirðisløn Norðurlandaráðsins
  • 2010 - Vann fyrstu virðisløn á Liet International
  • 2014 - Sangurin Tú tók mína hond ið Døgg Nónsgjógv syngur, er upptikin og framleiddur av Jens. Sangurin vann heiðursløn á Faroese Music Awards í bólkinum Ársins poppsangur

Keldur[rætta | rætta wikitekst]


Slóðir[rætta | rætta wikitekst]