Grunnur Thorvalds Poulsen av Steinum

Grunnur Thorvalds Poulsen av Steinum er ein føroyskur grunnur, sum letur gávugóðs (stuðul) til føroyskt listafólk. Latið verður úr grunninum 8. februar, føðingardag Thorvalds. Nevndin ger sjálv av, hvør skal fáa stuðul úr grunninum, tað verður ikki latið eftir umsókn. Fyrstu ferð stuðul varð latin var í 2001.

Endamál

Endamálið hjá Grunni Thorvalds Poulsen av Steinum er at stuðla og eggja ungum fólki við listarligum hegni til útbúgving. Stovnsfæ grunnsins er arvur eftir Thorvald Poulsen á Steinum sambært testamentinum hjá honum.

Nevndin

Ein trímannanevnd mannað við rektaranum á Fróðskaparsetrinum, formanninum í Føroya Lærarafelag og formanninum í Lista Fólka Sambandi Føroya, LISA stjórnar grunninum. Rektarin á Fróðskaparsetrinum er nevndarformaður. Í løtuni er nevndin henda: Sigurð í Jákupsstovu, rektari, Herálvur Jacobsen, formaður í Føroya Lærarafelag og Ólavur Jakobsen, formaður í LISA.

Gávugóðs úr grunninum

• 2013 - Janus á Húsagarði, barnabókarithøvundur og teknari og Bárður Reinert Poulsen, tónleikari
• 2012 - Anton Petersen, filmsleikstjóri, 60.000 kr
• 2011: Dávur Juul Magnussen, tónlistamaður, 60.000 kr
• 2010: Herborg Silja Strøm, listakvinna, 60.000 kr
• 2009: Kjartan Hansen, fólkatónleikari og nemur sær útbúgving innan sjónleik, 60.000 kr
• 2008: Marianna Mørkøre, listakvinna, 60.000 kr
• 2007: Sámal Blak, myndahøggari og málari, 60.000 kr
• 2006: Jóhanna Reginsdóttir av Steinum, sniðgevi, 60.000 kr
• 2005: Bárður Oskarsson, teknari og rithøvundur, 60.000 kr
• 2004: Marjun Syderbø Kjelnæs, rithøvundur, Jógvan Sverrason Biskopstø, sniðgevi og teknari og Eivør Pálsdóttir, songkvinna, 25.000 kr. í part.
• 2003: Tróndur Bogason, tónasmiður, 60.000 kr
• 2002: Andrass Olsen, tónleikari, 60.000 kr, Teitur Árnason, filmsleikstjóri, 25.000 kr og Petur Elias Askham Guttesen, rithøvundi, 25.000 kr
• 2001: Rannvá Konoy, listakvinna 60.000 kr.

Slóðir úteftir

• Setur.fo, Grunnur Thorvalds Poulsen av Steinum