Gauteng

Flagg	Skjøldur
Land:	Suðurafrika
Mál:	zulu, enskt, afrikaans sotho, tswana, xhosa, tsonga og onnur.
Høvuðsstaður:	Johannesburg
Størsti býur:	Johannesburg
Vídd:	18 178 km²
Íbúgvar (2021):	15.810.388
fyri km²:	870/km²
Tíðarzona:	UTC +2
Heimasíða:	www.gauteng.gov.za

Gauteng (zulu: eGoli, enskt: Gauteng, afrikaans: Gauteng, sesotho: Gauteng, setswana: Gauteng, xhosa: iRhawuti) er ein landslutur í Suðurafrika.

Í norðri hevur Gauteng mark við Limpopo, í eystri við Mpumalanga, í suðri við Free State og í vestri við North West.

Johannesburg er høvuðsstaður og størsti býurin í landslutinum. Aðrir kendir býir eru Pretoria, Boksburg, Benoni, Springs, Krugersdorp, Vanderbijlpark og Vereeniging.

19,8 % av fólkunum tosa zulu, 13,3 % enskt, 12,4 % afrikaans, 11,6 % suðursotho, 10,6 % norðursotho, 9,1 % tswana, 6,6% xhosa, og 6,6% tsonga.

Kommunur í landslutinum Gauteng

Landsluturin varð stovnaður í 1994. Ein partur av táverandi landslutinum Transvaal og smáir partar av heimlandinum Boputhatswana vórðu samanlagdir til landslutin Pretoria-Witwatersrand-Vereeniging (PWV) sum í 1995 fekk tað navnið Gauteng. Gauteng er tann minsta av teimum níggju landslutinum í Suðurafrika. Hóast tað býr ein fjórðingur av øllum fólkinum í Suðurafrika í hesum landslutinum.

Ávísingar úteftir

• Almenna heimasíðan: www.gauteng.gov.za (á enskum)
• Ferðavinna: gauteng.net (á enskum)
• Gauteng, snl.no (á norskum)
• Gauteng, wikivoyage.org (á enskum)