Faroe Boys
Faroe Boys var ein føroyskur tónleikabólkur í 1960'unum. Teir spældu bæði altjóða popptónleik og rokktónleik umframt at teir eisini gjørdu egnan føroyskan tónleik. Teir framførdu sín tónleik ymsastaðni í Føroyum og eisini í Íslandi, har teir vóru væl móttiknir. Teir framførdu fast í Sjónleikarhúsinum í Havn í fleiri ár. Teir góvu plátur út í 1964, 65 og 67. Í 1965 hendi stór útskifting í manningini av Faroe Boys. Plátan "Faroe Boys" varð framleidd í apríl 1967, stutt áðrenn teir góvust við at spæla í Sjónleikarhúsinum.[1] Forsangarin í Faroe Boys var vágbingurin Robert Mc Birnie, sum stovnaði bólkin Red Boys í 1959. Faroe Boys varð stovnað í 1961, Robert var tó ikki við til at stovna Faroe Boys, hann kom við seinni í 1963.[2]
Limir í bólkinum
[rætta | rætta wikitekst]Hesir vóru limir í bólkinum Faroe Boys í 1967, tá LP plátan Fareo Boys kom út: Kári Mouritsen, Jógvan Dahl, Robert Mc Birnie, Bjarni Skaalum, Jógvan Sofus Vágsheyg.[3]
Limirnir frá byrjan til enda hava verið hesir:[4]
- Kári Mouritsen, bass, 1965-67
- Jógvan Dahl, guittar 1965-67
- Robert Mc Birnie 1963-67
- Bjarni Skaalum 1961-67
- Jógvan Sofus Vágsheyg, trummur 1965-67
- Dánjal Petur, forsangari frá 1961- 1963
- Atli Hansen, guittar 1961-65,
- Milson Zachariassen, bass 1961-65,
- Tummas Nielsen, klaver og harmonika 1961-65,
- Tummas Juul Askham, trummur 1961-63,
- Tryvgi Restorff, trummur 1963-65,
Útgávur
[rætta | rætta wikitekst]- Faroe Boys, 1964, LP, føroyskir tekstir
Løgini sum vóru á plátuni frá 1964 vóru hesi:
- Heimkoman (Lag: Jákup Mortensen, Orð: Robert McBirnie)
- Vónsvikin (Orð Andreas Djurhuus)
- Faroe Boys, 1965, LP, enskir tekstir [5]
- Faroe Boys, 1967 LP, kom seinni út sum CD, føroyskir og enskir tekstir
Løgini sum vóru á plátuni frá 1967 vóru hesi:
- Sweet Little Sixteen
- Barbara Allen
- That's How
- Tu Og Eg Á Ástartingi
- Tell Laura I Love Her
- Keep on Running
- Vit Fáa Tevatn Og Breydð
- Baby It's You
- Lightning Express
- Bring It on Home to Me
- Hví
Ávisingar úteftir
[rætta | rætta wikitekst]- Elsta føroyska LP-in 50 ár, dimma.fo, 16. februar 2018
- Elsta føroyska LP-in 50 ár, nordlysid.fo, 16. februar 2018
- Jógvan Dahl, guitaristur og lærari, farin foldum frá, in.fo, 09.01.2023
Keldur
[rætta | rætta wikitekst]- ↑ Tutl.nord.fo[deyð leinkja]
- ↑ "Sandportal.fo, Robert Mc'Birni 50 ár á palli.". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2020-08-08. https://web.archive.org/web/20200808145925/https://sandportal.fo/tnleikur/innanlands/robert-mcbirni-50-ar-a-palli.aspx. Heintað 2011-02-02.
- ↑ Tutl.nord.fo[deyð leinkja]
- ↑ Rateyourmusic.com, The Faroe Boys
- ↑ Bora.uib.no, pdf-fíla, s. 197,Ritgerð eftir Jógvan í Lon Jacobsen "Álvaratos, who cares?"[deyð leinkja]