Christopher Lee

Frá Wikipedia, hin frælsa alfrøðin
Far til: navigatión, leita
Christopher Lee í 2009.

Sir Christopher Lee, borin Christopher Frank Carandini Lee tann 27. mai 1922 í London, er ein bretskur sjónleikari við eini langari teatur- og filmskarrieru á baki.

Christopher Lee fekk útbúgving á ensku skúlunum Eton og Wellington College, áðrenn hann gjørdist soldátur, fyrst sum sjálvboðin á finsku síðuni í Finsk-Sovjettiska Vetrarkrígnum, síðan í bretska flogvápninum undir seinna veraldarkríggi.

Karriera[rætta | rætta wikitekst]

Eftir kríggið byrjaði hann sjónleikarakarrieru sína. Hansara filmsdebut var í Corridor of Mirrors frá 1948, og síðan hevði hann nógvar leiklutir í ræðu- og krimifilmum, m.ø. Dracula, Frankenstein og James Bond. Eisini hevur hann havt nógvar leiklutir í sjónvarpsfilmum og serium.

Christopher Lee hevur eina djúpa, myndiga rødd og dámar væl at syngja opera. Hann tosar fleiri mál og hevur m.a. eisini lagt týska rødd til danska filmin Valhalla frá 1986.

Familja[rætta | rætta wikitekst]

Christopher Lee stavar frá aðalsættini Carandini og er í familju við Ian Fleming, sum skrivaði bøkurnar um James Bond. Hann hevur síðan 1961 verið giftur við donsku eksmodellini Birgit Krøncke og eigur eina dóttur, Christina Erika Lee. Í 2001 bleiv hann útnevndur til "Commander of the Order of the British Empire" av bretsku drotningini.

Christopher Lee hevur havt leiklutir í 266 filmum síðan 1948, og bleiv sligin til riddara í 2009.

Filmografi[rætta | rætta wikitekst]

Slóðir úteftir[rætta | rætta wikitekst]