Frá Wikipedia, hin frælsa alfrøðin
Skáli er ein bygd á vestursíðuni á Skálafjørðinum í Eysturoy. Síðan 2004 er Skáli partur av Runavíkar kommunu. Fólkatalið er í dag 618. Skála Skipasmiðja er størsta arbeiðsplássið á Skála. Her eru nógv skip í føroyska flotanum bygd. Harumframt verða nógvar umvælingar gjørdar á Skála Skipasmiðju, bæði føroysk og m.a. russisk skip verða umvæld á Skála. Á hvørjum ári er bygdastevna á Skála, har fótbóltur og kapprógving eru ein týðandi partur av tiltøkunum. Um summarið vitja ferðafólk í bygdini. Eitt kampingpláss er við ítróttarhøllina á Skála og her hava, umframt einstaklingar, fleiri stórir kampingbólkar vitjað síðan plássið lat upp í 2004.
