Nashyrningur
 |
||||||||||
|---|---|---|---|---|---|---|---|---|---|---|
 Svartur nashyrningur (frøðiheiti Diceros bicornis)
|
||||||||||
| Frøðilig flokking | ||||||||||
|
Fyrstu nashyrningarnir (frøðiheiti Rhinocerotidae) vórðu til fyri 30 mió árum síðan, og teir eru millum størstu súgdjór, ið livað hava á landi. Nú eru fá djórasløg, ið eru verri fyri enn nashyrningur. Hann verður dripin í túsundatali fyri hornið á snáðini, og øll nashyrningasløg eru í altjóða yvirlitinum við djórasløgum í vanda. Nashyrningar eta gróður.
Hornið er úr hárkendum tægrum, ið eru persaðar saman til hart evni. Sló er ikki í horninum. Indianashyrningur og javanashyrningur hava bara eitt horn. Hini sløgini hava øll tvey. Nashyrningur hevur tjúkka og seiga húð. Á summum er húðin skift í stórar húðarplátur, rukkur og faldir um bein og háls. Húðin á indianashyrningi er átøk brynju. Flestu nashyrningar eru snøggir, hava ikki hár á kroppinum, bara sumatranashyrningur er loðin.
5 sløg eru - Hvítur nashyrningur og svartur nashyrningur í Afrika, indianashyrningur, javanashyrningur og sumatranashyrningur. Nashyrningar liva vanliga stakir. Teir síggja stutt frá seg, men hava góða hoyrn og frálíkt tev. Tapirur er nær skyldur við nashyrning.
