World Cup í svimjing
FINA World Cup er heitið á altjóða svimjikappingum, sum verða hildnar í fleiri býum kring heimin á hvørjum ári um heystið frá september til tíðliga í november. Vinnararnir fáa heiðursmerki og vinna eisini pengar. Kappingarnar eru í stuttum svimjihylum, tvs. har hylurin er 25 metrar langur. Kappingarnar kunnu eitt nú brúkast til at kvalifisera seg til aðrar svimjikappingar sum t.d. HM á stuttbana, EM á stuttbana osfr. Ein føroyskur svimjari, Pál Joensen, hevur vunnið fleiri heiðursmerki á hesum World Cup kappingum í 2009, 2010 og 2011. Aðrir føroyingar hava eisini luttikið á Wold Cup stevnum, men tey hava ikki fingið nakað heiðursmerki.
World Cup svimjistevnur
[rætta | rætta wikitekst]Í 2011 eru hesar World Cup svimjistevnur:
- Dubai 7. - 8. oktober, 2011
- Stokkholm, Svøríki, 15. - 16. oktober 2011
- Moskva, Russland 18. - 19. oktober 2011
- Berlin, Týskland 22. - 23. oktober 2011
- Singapore, 4. - 5. november 2011
- Beijing, Kina 8. - 9. november 2011
- Tokyo, Japan 12.- 13. november 2011[1]
Keldur
[rætta | rætta wikitekst]- ↑ "Fina-arena.worldcup". http://www.fina-arena-worldcup.com/competition/wcseries.html. Heintað 2011-10-16.
Útvortis ávísingar
[rætta | rætta wikitekst]- Fina-Arena-WorldCup.com Archived 2009-10-19 at the Wayback Machine