Saronisku Oyggjar

Saronisku Oyggjarnar á korti yvir Attika og Argolis á Peloponnes hálvoynni.

Saronisku Oyggjar er ein oyggjabólkur í Grikkalandi, sum liggur í Saronisku víkini. Oyggjarnar liggja beint sunnanfyri og í ein útsynning av Athen og Pireus, bert 27 km frá Athen. Tær størstu av Saronisku oyggjunum eru: Egina, Salamis, Angistri og Poros. Onkuntíð verða oyggjarnar Hydra, Dokos og Spetses roknaðar uppí tær Saronisku oyggjarnar. Saronisku oyggjarnar hoyra undir Attika landslutin.