Sandavágssteinurin

Steinurin í forgrundini er Sandavágssteinurin. Rúnirnar frá Kirkjubøsteininum síggjast í bakgrundini.

Sandavágssteinurin er ein rúnarsteinur, ið var funnin í Sandavági leygardagin tann 12. mai í 1917, tá setti Martin á Mýrini seg at hvíla undir heygnum nevndur Ongjartoftir, og varð varugur við, at í einum steini vóru høgdir stavir.

Á steininum standa rúnir:

Þorkell Ǫnundarsonr, austmaðr af Rogalandi, bygði þenna stað fyrst.

ella á føroyskum:

Torkil Onundarson, eysturmaður av Rogalandi, bygdi henda stað fyrst.

Ein eysturmaður er, frá føroyskum sjónarmiði, ein maður frá Noregi, og er hesin Torkil sostatt frá Rogalandi í Noregi. Hann hevur helst verið fyrstur at byggja antin í Sandavági ella tí staðnum í bygdini, har rúnarsteinurin varð funnin. Rúnirnar á Sandavágssteininum vera hildnir at vera frá 1200-áratalinum.

Sandavágssteinurin kann í dag síggjast í Sandavágs kirkju.

Sí eisini

• Kirkjubøsteinurin