Rúni Seloy
| Rúni Seloy | |
|---|---|
 Gullheiðursmerki, Rúni vann í 2008
| |
| Føddur | 6. februar 1994 Hvidovre Hospital, Keypmannahavn. |
Rúni Seloy (f. 6. februar[1], 1994 í Keypmannahavn) er føroyskur rennari. Hann hevur m.a. vunnið 4 danmarkmeistaraheiti og føroyameistaraheiti uml. 15 ferðir. Rúni rennur í felagnum, "Bragdið".
Lívsleið innan renning
[rætta | rætta wikitekst]2008
[rætta | rætta wikitekst]Í august, 2008, gjørdist Rúni Seloy tvífaldur danmarksmeistari fyri dreingir 15 ár. Hann vann 800 meturin við tíðini 2.04,93 og 1500 metrar við tíðini 4.20,49 min.[2]
2009
[rætta | rætta wikitekst]Í februar 2009 gjørdist Rúni Seloy danmarkmeistari hjá dreingjum 14-15 ár, tá hann vann 800 metra teinin við tíðini 2.06,68 minuttir. Talan var um DM kapping í frælsum ítrótti fyri ung í Skive.[3]
2010
[rætta | rætta wikitekst]
DM 2010
[rætta | rætta wikitekst]Rúni Seloy vann gull í 800 metra teininum í innandura Danmarksmeistara kappingini 6. mars 2010 fyri ung. Samstundis setti Rúni nýtt føroyskt met við tíðini 1.59,62 min. Rúni luttók í bólkinum, dreingir 16-17 ár.[1], [4]
FM 2010
[rætta | rætta wikitekst]Rúni Seloy hevur fleiri ferðir vunnið føroyameistaraheitið í renning á ymsum teinum. Í august 2010 gjørdist hann føroyameistari í 800 metrum við tíðini 2.16,15 og í 400 metrum við tíðini 54,31.[5]
European Youth Olympic Trials 2010
[rætta | rætta wikitekst]Rúni Seloy er einasti rennarin í danska kongaríkinum, sum varð úttikin til at luttaka á European Youth Olympic Trials, sum Evropeiska Sambandið fyri Frælsan Ítrótt, EAA, skipaði fyri í Luzhniki Sport City í Moskva 21. – 23. mai 2010, har allir teir bestu, ungu atletarnir (16-17 ár) úr Europa dystaðust um at sleppa við til Youth Olympic Games, sum verður í Singapore í august 2010. Rúni rann 1000 metrar við tíðini 2.32,86. Rúni gjørdist nummar 20 av 36, bert 3 sekund frá einum finaluplássi.[6] Rúni Seloy er fyrsti føroyingurin, sum hevur roynt seg í slíkari kapping.[7]
2011
[rætta | rætta wikitekst]Oyggjaleikir 2011
[rætta | rætta wikitekst]Rúni luttók á Oyggjaleikunum á Isle of Wight í juli 2011. Hann gjørdist nummar fimm í semifinaluni í 800 m fyri menn við tíðini 1:58,70, tað rakk ikki til finalupláss.[8] Hann rann eisini 400 metrar, men har eydnaðist tað honum ikki at renna seg í finaluna.
DM 2011
[rætta | rætta wikitekst]Rúni luttók á DM fyri vaksnar menn í juni 2011, hann rann fyri Hvidovre AM og gjørdist nummar fimm við tíðini 1.57.65.[9]
2012
[rætta | rætta wikitekst]Rúni luttók á DMU (Danmarksmeistarakapping fyri ung) í innandura renning í mars 2012 í Danmark. Hann vann silvur í 800 metrum við tíðini 1:58.58, sum var nýtt føroyskt met.[10] Hann luttók eisini á 400 metra teininum, har gjørdist hann nummar 7 við tíðini 54,97.[11] Hann luttók í bólkinum Dreingir 18-19 ár.
2013
[rætta | rætta wikitekst]Rúni luttók á Oyggjaleikunum á Bermuda í juli 2013. Hann gjørdist nummar tvey í semifinaluni í 400 m fyri menn við tíðini 51,29 sek tað rakk til finalupláss, 1,01 sek frá føroyska metinum.[12]
2015
[rætta | rætta wikitekst]Rúni luttók í kappingini Stórmót í Reykjavík saman við fleiri øðrum føroyingum, ið íðka frælsan ítrótt.
- Gull í 800 metrum innandura renning við tíðini 1:56.51, ið var nýtt føroyskt met.[13]
Keldur
[rætta | rætta wikitekst]- ↑ Athletics.fo - European Youth Olympic Trials, Results - 1000 m Heats Boys, 21 May 2010[deyð leinkja]
- ↑ Knassi.net[deyð leinkja]
- ↑ Sportal.fo
- ↑ "Skiveam-sam.dk". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2011-07-19. https://web.archive.org/web/20110719132012/http://www.skiveam-sam.dk/sitecore/content/Klubber/SkiveAM/SkiveAtletik/Forside/Arrangementer/~/media/004CE9CAF52C4BC093E2EB685F97226A.ashx. Heintað 2010-03-07.
- ↑ Athletics.fo[deyð leinkja]
- ↑ Sportal.fo
- ↑ Sportal.fo
- ↑ NatWestiowResults2011
- ↑ "Statletik.dk". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2015-04-05. https://web.archive.org/web/20150405151257/http://statletik.dk/event.php?id=1613. Heintað 2012-03-07.
- ↑ "Sportal.fo, Rúni Seloy nýtt føroyskt met". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-03-09. https://web.archive.org/web/20120309002751/http://sportal.fo/grein/runi_seloy_nytt_foroyskt_met. Heintað 2012-03-07.
- ↑ "Athletics.fo". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-05-01. https://web.archive.org/web/20120501054821/http://www.athletics.fo/?p=5483. Heintað 2012-03-07.
- ↑ http://www.athletics.fo/?p=7265[deyð leinkja]
- ↑ "in.fo". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2015-02-03. https://web.archive.org/web/20150203000022/http://www.in.fo/news-detail/news/gull-gull-silvur-og-bronsu/. Heintað 2015-02-02.
- Sportal.fo, Gull til Bjørk og Rúna.
- Sportal.fo, Rúni Seloy tvífaldur danmarksmeitari.
- Sportal.fo, Rúni Seloy vann DM-gull í renning.
- Knassi.fo[deyð leinkja], Rúni Seloy danskur meistari í 1500 metra kapprenning.
- Kringvarp.fo, Rúni Seloy vann 800 metrar í DM
- skiveam-sam.dk Archived 2011-07-19 at the Wayback Machine, síða 13 "Drenge 16-17 år - 800 meter". "Resultater DMU inde 2010".
- Sportal.fo, Rúni Seloy til European Youth Olympic Trials.
- Athletics.fo[deyð leinkja], European Youth Olympic Trials, Results 1000 M Heats Boys, 21 May 2010, 17:30.
- Athletics.fo[deyð leinkja], Úrslit FM Vaksin á Tórsbreyt 7. august 2010 kl. 14.00-16.00.
Útvortis ávísingar
[rætta | rætta wikitekst]- Facebook.com, Fjepparabólkur hjá Rúna Seloy á Facebook.
- Bragdid.fo