Faroe Farming

Frá Wikipedia, hin frælsa alfrøðin
(Ávíst frá P/F Faroe Farming)
Jump to navigation Jump to search

Faroe Farming p/f var alifyritøka við heimstaði í Vági, sum rak alivinnu við laksaframleiðslu á landi og á sjógvi. Felagið varð uppkeypt av Bakkafrost í 2017.[1]

Felagið hevði egið kryvjivirki og keypti í 2011 stóran virkisbygning á havnalagnum í Vági (áður Polarfrost) til hetta endamál. Seinast stjórar í fyritøkuni vóru Egill Steintórsson og Erhard Joensen. Í 2011 varð fyritøkan kosin Ársins vakstrarfyritøka 2011 av Business-Line. Ein av orsøkunum til heiðurin var, at fyritøkan hevði havt ein vøkstur í bruttovinningi uppá sløk 500% frá 2007 til 2010. Í 2007 var bruttoúrtøka felagsins slakar 12 mió kr, meðan hon kom upp á slakar 70 mió kr. í 2010. Framgongdin er sostatt sløk 500% og nógv tann størsta, sum eitt føroyskt partafelag kann vísa á tey seinastu 4 roknskaparárini.[2] Í 2011 starvaðust umleið 55 fólk hjá Faroe Farming. Størsti eigarin í 2011 í P/F Faroe Farming var P/F Havsbrún (umleið 80%) og P/F Suðuraling (umleið 20%).[3]

Seinast nevndin[rætta | rætta wikitekst]

  • Odd Eliasen, nevndarformaður,
  • Henning Joensen, nevndarlimur
  • Símun Pauli Sivertsen, nevndarlimur[4]

Heiður[rætta | rætta wikitekst]

  • Ársins vakstrarfyritøka 2011

Keldur[rætta | rætta wikitekst]

  1. undercurrentnews.com - Bakkafrost buys out Faroe Farming, files two new licenses
  2. Sudurras.info, Faroe Farming ársins vakstrarfyritøka 2011
  3. Bl.fo, Ársins vakstrarfyritøka 2011 er funnin
  4. Bl.fo, Ársins vakstrarfyritøka 2011 er funnin

Ávísngar úteftir[rætta | rætta wikitekst]