MBF

MBF er stytting fyri Meginfelag teirra Brekaðu í Føroyum. Felagið varð stovnað 24. oktober 1981. Endamál felagsins var

• at virka fyri samarbeiði millum tey ymisku áhugafeløg fyri brekað fólk í Føroyum
• at stuðla teimum einstøku feløgunum í teirra dagliga virksemi
• at arbeiða fyri at fyribyrgja brekum orsakað av sjúkum og vanlukkum
• at luttaka í millumtjóða samstarvi.

Stovnandi feløgini vóru

• Deyvafelag Føroya
• Felagið Bjørg
• Felagið Javni
• Føroya Blindafelag
• Sclerosefelagið
• ÍSB (Ítróttarsambandið fyri brekað).

MBF flutti í 1994 í egin hús við Íslandsvegin í Havn. MBF hevur nú (jan. 2010) 24 limafeløg. Hesi umboða ymisk brek og sjúklingabólkar.

MBF er óheft partapolitiskt og átrúnaðarliga. MBF hevur til endamáls at bøta um støðuna og livikorini í samfelagnum hjá teimum, ið bera brek. MBF arbeiðir fyri líkarætti. Grundleggjandi hugtøk eru:

• Handikappolitikkur er samfelagspolitikkur
• Líkarættur: Øll menniskju hava sama virði og rætt at verða við í øllum avgerum teimum viðvíkjandi
• Samanhald: Øll hava tørv á felagsskapi og skulu tí hava møguleika at taka lut í tí, sum fer fram í samfelagnum
• samhaldsfesti:
• Fólkaræði: Øll, eisini fólk við breki, eiga at hava møguleika at gera seg galdandi í samfelagnum.

Formenn/kvinnur

Leila Solmunde var forkvinna í MBF í 8 ár

• ? -2004 Doris Hansen
• 2004-2012 Leila Solmunde
• 2012- Carita Bjørklund

Slóðir úteftir

• Meginfelag teirra Brekaðu í Føroyum Archived 2006-11-04 at the Wayback Machine