Krambatangi

Smyril leggur frá landi á Krambatanga.

Krambatangi er staðarnavn í Suðuroynni, sum var rættiliga ókent áðrenn 2005, tá ferjulega varð gjørd har til nýggja stranfaraskipið Smyril, sum kom til landið í oktober 2005. Ferjulegan á Krambatanga varð tikin í brúk samstundis sum nýggi Smyril kom. Áðrenn tað var ferjulegan á Drelnesi nýtt til Smyril, og áðrenn tað sigldi Smyril inn á Tvøroyrar Havn og á Vágs Havn. Í gomlum døgum, áðrenn vegur kom millum allar bygdir, sigldi Smyril inn til fleiri aðrar bygdir í Suðuroynni.

Krambatangi er í Øravíkarlíð, 3 km frá bygdini Øravík og stutt frá Trongisvági. Tvøroyri liggur hinumegin við Trongisvágsfjørð.

Myndir

• 
  Krambatangi 2004, ferjulegan er í gerð.
• 
  Smyril 1 liggur við kai við Handilin hjá Thomsen í 1899
• 
  Krambatangi 15. oktober 2005, tá Smyril V kom, Smyril IV liggur eisini við bryggju.

Ávísing úteftir

• SSL.fo

Henda greinin um Føroyar er ein stubbi. Tú kanst hjálpa Wikipedia við at víðka hana