Kapitalisma

Frá Wikipedia, hin frælsa alfrøðin
Jump to navigation Jump to search

Kapitalisma (eisini nevnd eyðvald) er ein búskaparskipan og politisk hugsjón, har privatir einstaklingar og fyritøkur hava ognarrættin yvir framleiðslutólunum og vinningi. Sermerkt fyri kapitalistisku búskaparskipanina er privati ognarrætturin, løn sum samsýning fyri arbeiði, sjálvboði býti av vørum og tænastum og ein kappingarførur marknaður.

Búskapurin í einum kapitalistiskum samfelag kallast marknaðarbúskapur, og er eyðkend við, at prísstøði í samfelagnum verður stýrt av útboði og eftirspurningi. Størsti parturin av londinum í heiminum nýta marknaðarbúskap, herímillum í USA og í flestu londini í Evropa

Til tess at fremja kapitalistisku búskaparskipanina bera fortalarar fyri búskaparskipanini javnan fram, at neyðugt er við einum lágum skattatrýsti á einstaklingum og fyritøkum, og at valdi hjá landinum skal vera avmarkað.

Politisku hugsjónirnar sosialisma, anarkisma og kommunisma høvdu sín uppruna sum eitt mótspæl til kapitalistisku búskaparskipaninar í Evropa í 18. og 19. øld.

Wikimedia Commons logo
Sí miðlasavnið