Jómsvíkingar (dansifelag)

Frá Wikipedia, hin frælsa alfrøðin
Jump to navigation Jump to search

Jómsvíkingar er dansifelag í Vági, sum skipar fyri føroyskum dansi í vetrarhálvuni. Felagið varð stovnað í 1976 og eigur eini hús á Vágsvegi, har ið dansað verður, húsini eita Jómsborg.[1] Jómsvíkingar skipa eisini fyri barnadansi.[2] Jómsvíkingar hava fleiri ferðir verið uttanlands á dansiferðum. Formaður og kassameistari felagsins er Mikala í Trøðini.[3] Felagið hevur umleið 110 limir, tey flestu eru úr Vági og Porkeri. Dansifeløgini í Suðuroynni sum dansa føroyskan dans skiftast um at skipa fyri dansi, soleiðis at tað eru fleiri í tali. Tá koyra ofta bussar millum bygdirnar til dansistaðið. Eins og hini dansifeløgini hava Jómsvíkingar hildið fast við gamla siðin at tað ikki verður dansað í føstu.

Keldur[rætta | rætta wikitekst]

  1. Visitsuduroy.fo
  2. Sudurras.info, Barnadansur í Jómsborg í kvøld
  3. SR.fo, Limafeløgini

Útvortis ávísingar[rætta | rætta wikitekst]