Fransaterna

Fransaterna
	; ;
Støða
	; Minst stúrin
Vísindaflokking
Ríki:	Animalia;
Fylki:	Chordata;
Flokkur:	Aves;
Hópur:	Charadriiformes;
Ætt:	Laridae;
Slekt:	Chroicocephalus;
Slag:	Ch. ridibundus;

Fransaterna (frøðiheiti - Chroicocephalus ridibundus, Larus ridibundus) er væl minni enn rita. Á liti líkist hon ternu, hevur bleika grábláa kápu, svart høvd, reytt nev og reyðar føtur. Bringan hevur ofta ein káman reydligan dám. Hon eigur víða um í Europa. Í Føroyum sæst nakað til hennara um summarið, men sjáldan verpur hon; tó vita menn hana hava átt í øllum teimum størru oyggjunum. Reiðrið ger hon sær á lodnum fløtum, stundum tætt við ternureiður. — Eggini eru 3, tey kennast frá ternueggjum, tí tey eru nógv størri. Dúnungin er reyðgráur við svørtum blettum. Ungfuglurin er morflekkutur á bakinum, gulgráur uppi á høvdinum. — Eisini um veturin hendir tað at síggja hana. Tá hevur hon hvítt høvd við einum dimmum bletti við eygað og einum øðrum við oyrað.^[1]

Kelda

↑ Mikkjal á Ryggi: Fuglabókin, Dýralæra II. 1951.

Sí eisini

Fuglar í Føroyum

Hendan greinin er ein stubbi. Tú kanst hjálpa Wikipedia við at víðka hann.

Wikimedia Commons logo

Sí miðlasavnið

»Fransaterna« í Wikimedia Commons.

[1] Mikkjal á Ryggi: Fuglabókin, Dýralæra II. 1951.

[1]