Fallin í bardaga

Fyribils grøv fyri ein amerikanskan maskinbyrsuhermann, ið fall í bardaga undir Overlord tiltakinum.

Normandy American Cemetery and Memorial, nærindis Colleville-sur-Mer í Normandínum, Frakland.

Fallin í bardaga ella dripin í bardaga (enskt: killed in action - KIA) er ein málbering, ið vanliga verður nýtt í hervaldinum fyri egnir hermenn, ið eru dripnir av fíggindanum. Fólk, ið verða dripin í bardaga, eru ikki deyð av vanlukkum sum t.d. bilvanlukkum ella øðrum ikki-fíggindaligum hendingum ella terrorismu.

Fallin í bardaga kann brúkast bæði til frontlinjuhermannahópar og flota-, loft- og stuðulshermannahópar. Ein ið er blivin dripin í bardaga í einari serstakari hending, verður nevndur við einum † (Unicode U 2020: Dagger) við síðuna av navni sínum, fyri at vísa at viðkomandi er deyður.