Føroya Landsbókasavn

Landsbókasavnið á frímerki frá 1978

Føroya Landsbókasavn varð stovnað í 1828 sum sjálvsognarstovnur. Við heimastýrislógini (1948) var bókasavnsmálið yvirtikið sum føroyskt sermál, og Føroya Landsbókasavn kom undir landsstýrið og virkar í dag eftir løgtingslóg nr. 79 frá 8. mai 2001, sett í gildi 1. januar 2002. Í 2011 var stovnurin Søvn Landsins settur á stovn. Landsbókasavnið gjørdist ein av stovnunum undir Søvnum Landsins.

Umframt deildarleiðari, starvast 17 fólk á Landsbókasavninum.

Høvuðsendamál

• at savna allar føroyskar bókmentir og so mikið sum gjørligt av bókmentum um Føroyar
• at taka ímóti skylduavhendingini av útgivnum føroyskum verkum
• at skráseta, varðveita og fremja útbreiðslu av kunnleika um hetta og annað tilfar
• at skipa fyri skráseting av føroysku tjóðbókaskránni
• at hava handritadeild
• at vera føroysk skrivstova í sambandi við altjóða skráseting av bókum, tónleiki og tíðarritum
• at umsita tær uppgávur, ið álagdar eru Bókastovuni
• at veita vísindabókasavnstænastu

Slóðir úteftir

• Landsbókasavnið Archived 2008-09-15 at the Wayback Machine
• Um Landsbókasavnið
• Leitiskipan Landsbókasavnsins Archived 2015-03-29 at the Wayback Machine