Brosma

Frá Wikipedia, hin frælsa alfrøðin
Jump to navigation Jump to search
Brosma
Faroe stamp 080 tusk.jpg
Vísindaflokking
Ríki: Animalia
Rað: Chordata
Flokkur: Actinopterygii
Røð: Ophidiiformes
Familja: Lotidae
Ætt: Brosme
Slag: B. brosme

Brosma (frøðiheiti - Brosme brosme) er vanlig undir Føroyum. Hon er annars við Svalbarð og Kolanesið, suður við Noregi, um alt Ísland, í Eysturgrønlandi og Útsynningsgrønlandi. Í Skagerrak, í norðara parti av Norðsjónum og við Írland. Hon er á bankum og tindum á víðum havi. Í vestara Atlantshavinum er hon frá Grand Bank til New Jersey.

Brosma er long og breið í kropsskapi. Tvørskurðurin er mest sum rundur. Hon hevur eina langa ryggfjøður, sum byrjar uppi yvir hálvari uggafjøðurini og kemur aftur til stertin. Brosma hevur eina gotfjøður frá miðjuni á fiskinum til fremst á stertinum, breiðar og rundligar uggafjaðrar og smáar búkfjaðrar. Sterturin er heldur lítil og er avrundaður. Strikan bogar oman fyri uggafjøðurina. Hon hevur lítið høvd, smá eygu, lítlan kjaft, smáar tenn og finnu.

Brosma verður upp í 120 cm long, vanlig longd er 40-90 cm. Hon er botnfiskur. Hon er av grunnum vatni, um 20 m. og niður á 1500 m. ella meir.

Kelda[rætta | rætta wikitekst]

Wikimedia Commons logo
Sí miðlasavnið