Región Miðjútland

Frá Wikipedia, hin frælsa alfrøðin

Región Miðjútland (Danskt: Region Midtjylland) er ein av teimum fimm regiónunum í Danmark. Regiónin er ein fyrisitingarlig eind við høvuðsábyrgdini fyri heilsuverkinum, regionalari menning og fyri rakturinum av eini røð av almennum stovnum í Miðjútlandi.[1].

Región Miðjútland er landsins næststørsta región um hugd verður at fólkatalinum, har búgva 1.277.538 (2014) [2], og landsins størsta región, um hugd verður at víddini, sum er á 13.005.7 km². Regiónin hevur høvuðssæti í Viborg.

Regiónin hevði í 2010 eina fíggjarætlan á 25,2 mia. kr. og umleið 25.000 starvsfólk[3].

Bent Hansen (S) hevur verið formaður fyri regiónsráðnum síðan 2007. Hann varð afturvaldur á regiónsvalinum í 2009 við 72.665 persónligum atkvøðum.

Kommunur í regiónini[rætta | rætta wikitekst]

í Región Miðjútland eru tað 19 kommunur. Borgarstjórarnir fyri tær 19 kommunurnar og regiónsformaðurin eru tilsamans Kontaktnevndin (Kontaktudvalget) í Región Miðjútlandi.[4].

Við 24,45% ella 306.650 íbúgvum er Aarhus kommuna størsta kommunan í regiónini.[5]

Región Miðjútlands kommunur
Región Miðjútlands kommunur

Keldur[rætta | rætta wikitekst]

  1. Indenrigsministeriet: Kommunalreformen – kort fortalt
  2. Statisktikbanken.dk
  3. Region Midtjylland: Regionsrådsfolder[deyð leinkja]
  4. "Region Midtjylland: Kontaktudvalget". http://www.rm.dk/politik/udvalg/kontaktudvalget. Heintað 2013-07-27. 
  5. Århus Kommuna[deyð leinkja]
Wikimedia Commons logo
Wikimedia Commons logo
Sí miðlasavnið