Svimjing

Frá Wikipedia, hin frælsa alfrøðin
Far til: navigatión, leita
Her er eitt dømi um svimjing á stuttgeil, talan er tó bert um venjing. Tað er føroyski svimjarin Pál Joensen, sum venur í Vágs Svimjihøll.

Svimjing er fjøltáttaður ítróttur. Tá talan er um innandura kappingarsvimjing, verður antin svomið á stuttgeil ella á langgeil. Stuttgeil er svimjihylur sum er 25 metrar langur. Langgeil er svimjihylur sum er 50 metrar langur. Tað eru fleiri sløg av svimjing, eitt nú kunnu nevnast:

  • Bringusvimjing
  • Ryggsvimjing
  • Frísvimjing
  • Firvald
  • Blandað (á enskum verður tað rópt Medley)

Umframt innandura svimjing er eisini eitt annað slag av svimjing, sum á føroyskum nevnist Havsvimjing. Á enskum eitur hetta slag av svimjing "Open Water Swimming", her verður svomið uttandura antin í sjónum ella í vøtnum ella áum.

Svimjarir hittast til ymiskar svimjikappingar, sum eisini verða róptar svimjistevnur. Í Føroyum eru fleiri ymiskar svimjistevnur. Føroyskir svimjarir luttaka eisini á svimjistevnum uttanlanda, eitt nú til World Cup stevnur, Oyggjaleikir (sum er blandað ítróttarstevna), EM og HM.

Útvortis ávísing[rætta | rætta wikitekst]