Sara Blædel
Sara Blædel (fødd 6. august 1964) er ein donsk rithøvundur og journalistur. Hon er mest kend fyri sína røð av krimiskaldsøgum um kriminalassistentin Louise Rick[1] og vinkonu hennara, journalistin Camilla Lind.
Sara Blædel er fødd í Keypmannahavn og uppvaksin í Hvalsø. Hon er dóttir journalistin og Cavlingprísvinnaran Leif Blædel og sjónleikarinnuna Annegrethe Nissen. Hon kom í læru sum tænari sum 18 ára gomul og hevur grafiska útbúgving sum reprokopist. Hon hevur starvast sum grafiskur samskipari hjá forlagnum Gyldendal.
Blædel stovnaði í 1993 krimiforlagið Sara B. Í 1995 byrjaði hon at starvast sum journalist og hevði frá 2001 tilknýti til sjónvarp sum researchari, tilrættisleggjari og redaktiónschef fyri ymisk programm.
Hon útgav sína fyrstu bók í 2004 við krimiskaldsøguni Grønt støv. Hon fekk virðislønina Det Danske Kriminalakademis debutantpris fyri bókina.[2]. Seinni hevur hon vunnið fleiri virðislønir og hevur eitt nú vunnið Martha-virðislønina) fýra ferðir.[3]. Hon hevur móttikið starvsløn bæði frá Statens Kunstråd og Statens Kunstfond[4]. Bøkur hennara eru útgivnar í 33 londum.[5].
Hon fekk bókmentavirðislønina Boghandlernes Gyldne Laurbær í 2014 fyri skaldsøguna Kvinden de meldte savnet.[6]
Ordblindeforeningen heiðraði hana við Ordblindeprisen í 2015. Og í mars 2016 fekk hon ta nýstovnaðu virðislønina Krimimessens Publikumspris á Krimimessuni í Horsens.
Í 2008 skifti hon frá forlagnum Lindhardt og Ringhof til People's Press.
Útgivið
[rætta | rætta wikitekst]- Anne-Marie- dronning uden rige, 2000, um tað donsku prinsessu Anne-Marie.
- Trods modvind – om at komme videre, 2002, seks samrøður við Hans Engell, Ritt Bjerregaard, Jarl Friis-Mikkelsen, Ditte Gråbøl, Mimi Jacobsen og Flemming Enevold.
- Grønt støv, (skaldsøga), 2004
- Kald mig prinsesse, (skaldsøga), 2005
- Kun ét liv, (skaldsøga), 2007
- Louise Rick - Drabsafdelingen (Samlet udgave af grønt støv og Kald mig prinsesse) (Louise Rick, #1, #2) 2007
- Aldrig mere fri, (skaldsøga), 2008
- Hævnens Gudinde, (skaldsøga), 2009
- Dødsenglen, (skaldsøga), 2010
- De Glemte Piger, (skaldsøga), 2011
- Dødelig alvor, stuttsøgusavn til frama fyri Læknar uttan landamørk saman við eitt nú Leif Davidsen), (Blædel: Skagens Mørke), 2012
- Dødesporet, (skaldsøga), 2013
- Kvinden de meldte savnet, (skaldsøga), 2014
- Bedemandens datter, 2016
Keldur
[rætta | rætta wikitekst]- ↑ http://sarablaedel.com/louise/ sarablaedel.com
- ↑ http://www.litteraturpriser.dk/dka.htm#DKAD Litteraturpriser.dk
- ↑ http://www.litteraturpriser.dk/dkdiv.htm#Bogogide Litteraturpriser.dk
- ↑ http://www.litteraturpriser.dk/aut/BS.htm#BSaraBlaedel Litteraturpriser.dk
- ↑ http://www.nordinagency.se/?id=237&type=fiction Nordin Agency
- ↑ Sara Blædel vinder De Gyldne Laurbær, Politiken, 3.feb.2015