Rógvi Egilstoft Nielsen

Rógvi Egilstoft Nielsen (føddur 1992) er føroyskur telvari og fótbóltsleikari úr Sandavági. Hann vann føroyameistaraheitið í talvi í landsliðsbólkinum fyri einstaklingar langa fríggjadag hin 6. apríl 2012. Hann spælir í løtuni (2015) fótbólt við EB/Streymi, áðrenn tað hevur hann spælt við 07 Vestur. Hann hevur spælt 4 landsdystir við U19 landsliðnum og hevur verið við í hópinum hjá U21 landsliðnum. Rógvi er sonur Torkil Nielsen, sum eisini er telvari og sum er kendur fyri at skorað mál fyri føroyska A-landsliðið móti Eysturríki í 1990. Yngri bróđur Rógva, Høgni Egilstoft Nielsen, er eisini telvari.

Lívsleiđ innan talv

FM í talvi

• 2015 - Føroyameistari
• 2012 - Føroyameistari

Talv-OL 2012 í Istanbul

Rógvi Egilstoft Nielsen luttók á Talv-OL í Istanbul í september 2012 saman við IM Helga Dam Ziska, IM John Arna Nilssen, IM John Rødgaard, Jóan Hendrik Andreasen.. Teir fingu besta úrslit higartil, um hugt veður eftir, hvussu nógv prosent teir vunnu, teir vunnu 56% av leikunum, sum teir telvaðu. Føroyar endaði sum nummar 68 av 157 londum. Áðrenn kappingina var Føroyar mett til at vera á einum 74. plássi. Føroyar fekk í alt 24½ stig av 44 møguligum. Teir vunnu fimm dystir, taptu fýra og telvaðu tveir javnt. Helgi Dam Ziska (1. borð) var toppskjútti við 6½ stigi, John Rødgård (3. borð) fekk 6 stig og Rógvi Egilstoft Nielsen (5. borð) fekk 4½ stig. John Arni og Jóan Hendrik fingu ávikavist 4 og 3½ stig. Armenia vann kappingina, Russland var nummar tvey og Ukraina var nummar trý. Føroyar var frammanfyri Finnland, sum endaði sum nummar 74.

Slóðir úteftir

• Ratings.fide.com