PDF

Frá Wikipedia, hin frælsa alfrøðin
Far til: navigatión, leita

PDF (Portable Document Format) er ein "opin standard" fílustødd, sum varð skapað í 1993 av Adobe Systems. PDF eitt skjalasnið, ið m.a. varðveitir uppseting og skrift á einum teldutøkum skjali. T.v.s. at líkamikið hvat fyri eitt tól, ið tú letur skjalið upp við, so sær skjalið eins út. Pdf-skjøl kunnu lesast av øllum sum hava tikið niður (downloada) ein Adobe Reader pdf-lesara, sum er eitt ókeypis forrit. Ein eigur ikki at kunna skriva í pfd skjøl, men tað ber kortini til í ávísum førum. Til hetta krevst serligt forrit t.d. Adobe Acrobat ella Libre Office. Tað finnast eisini nýggj sløg av PFD sum sýnast ómøgulig at broyta nakað í. Men tað er eisini meiningin við PDF. Tann sum velur at brúka PDF formatið, ger tað ofta fyri at vera vísur í at fólk ikki fara at broyta nakað í skjalinum.

Tá pdf-skjalið verður gjørt, er møguligt at læsa skjalið á ymiskan hátt, t.d. soleiðis at ikki ber til at viðgera skjalið ella at prenta tað. Brúkarin kann bara gera tað við pdf-skjalið, sum rættindi eru givin til. Sum dømi kann nevnast, at eitt nú Arbeiðsloysisskipanin í Føroyum nýtir pdf-skjal sum umsóknarblað, har fólk kunnu útfylla kravdu teigarnar á internetinum, og síðan skriva tað út og undirskriva tað, fyri síðan at skanna tað inn og senda tað við telduposti. Tað ber ikki til at goyma slík skjøl á telduni. Hesi skjøl verða eisini ofta nýtt til spurnarkanningar á internetinum.

Til tíðir eru pdf-skjalið gjørd við at ljóslesa (skanna) pappír har t.d. tekstur er á. Slík pdf kunnu ikki viðgerast (redigerast), tí teksturin er at skilja sum ein mynd sum skannarin hevur avmynda inn í pdf'in.

Keldur[rætta | rætta wikitekst]