Sí keldu fyri Nuuk

{| border="1" cellpadding="2" cellspacing="0" align="right" 
|- bgcolor="EEEEEEE"
|-----
! colspan="2" align=center bgcolor="EEEEEE" | [[Mynd:Nuuk_city_below_Sermitsiaq.JPG|270px]]
|-----
! colspan="2" align=center bgcolor="EEEEEE" | Grunddáta
|-----
| Land: || {{flagicon|Grønland}} [[Grønland]]
|-----
| Kommuna: || [[Sermersooq kommuna|Sermersooq]]
|-----
| [[Vídd]]: || 690 km2 (býurin)
|-----
| Íbúgvar ([[2014]]): || 16.818
|-----
| Postnummar: || 3900
|-----
| Tíðarzona: || [[UTC]]−3
|-----
| Almenn heimasíða: || [http://www.sermersooq.gl www.sermersooq.gl]
|}

'''Nuuk''' ([[Danskt mál|Danska]] navnið er '''Godthåb'''. Fyrr eisini skrivað: ''Nûk'') er [[høvuðsstaður]] í [[Grønland]]i og hevur umleið 16 túsund íbúgvar (í [[2014]]). Tilsamans búgva 22.673 fólk í høvuðsstaðarkommununi [[Sermersooq kommuna|Sermersooq]]. Eins og allir grønlendskir býir liggur Nuuk fram við sjónum. Nuuk er størsti býur í [[Grønland]]i og [[høvuðsstaður]] landsins. Her eru landsstýrisskrivstovurnar og fyrisitingin, og her kemur Landstingið saman. Nuuk er nútíðarbýur í menning. Nógv fólk flytur av bygd til býin og vónar at fáa lut í vælferðini. 

[[Noreg|Norski]] presturin, [[Hans Egede]], grundaði býin í [[1728]]. Bert 50 ár seinni var íbúgvaratalið rokkið upp um 1000. Nuuk hevur bæði flogvøll og tyrlupall. Flogvøllurin liggur bert eitt sindur uttan fyri býin, á einum øki, har heimsins elstu fjøll standa. Hildið verður, at tey ery meira enn 3500 milliónir ára gomul. Tann gamli býarparturin er niðri við [[Sjógvur|sjógvin]]. Her eru fleiri gomul, vøkur hús, og í einum teirra [[Forngripasavn Grønlands]] innivist. Á savninum fæst ein góð mynd av, hvussu tey baldust í forðum í hesum ísbarda landinum. Skamt frá teimum gomlu húsunum stendur standmynd av [[Hans Egede]]. Hann lítur oman yvir ta gomlu bygdina, har hann kendi hvørja steinpirru í túnunum. Hann varnast eisini alt tað nýggja, ið bygt verður millum dag og ár. 

Her eru bankar, [[útvarp]], skrivstovur, [[Kirkja (hús)|kirkjur]], kykmyndahallir, grillbarrir, gistingarhús, steikarhús, sjúkrahús og handlar. Nógvastaðni í býnum síggjast stórir kranar, ið nýttir verða í stórhúsabyggingini. Nuuk er í støðugum vøkstri. Vøksturin er bráðari, enn nakar hevði gjøtlað um fyri einum 20 árum síðani. Tað er drúgført at ganga úr enda í enda á býnum. Ávegis gjøgnum býin síggjast mong sera vøkur sethús og fleiri stór raðhús. Í so mongum er Nuuk líkur einum lítlum stórbýi. Og hann hevur sum allir aðrir stórbýir sínar ringu og góðu síður. 

Tey flestu, tú hittir ella sært í býnum, eru grønlendingar. Men har er hópur av dønum og øðrum, ið hagar er komin at leita sær arbeiði.

== Vinabýir ==

* {{flagicon|Týskland}} [[Cuxhaven]], [[Týskland]]
* {{flagicon|Danmark}} [[Aalborg kommuna|Aalborg]], [[Danmark]]
* {{flagicon|Finnland}} [[Vantaa]], [[Finnland]]
* {{flagicon|Alaska}} [[Barrow]], [[Alaska]], [[USA]]
* {{flagicon|Noreg}} [[Askim]], [[Noreg]]
* {{flagicon|Kina}} [[Changchun]], [[Kina]]
* {{flagicon|Svøríki}} [[Huddinge]], [[Svøríki]]
* {{flagicon|Grønland}} [[Illoqqortoormiut]], [[Grønland]]
* {{flagicon|Danmark}} [[Lyngby-Tårbæk kommuna|Lyngby-Tårbæk]], [[Danmark]]
* {{flagicon|Kanada}} [[Pangnirtung]], [[Kanada]]
* {{flagicon|Ísland}} [[Seyðisfjörður]], [[Ísland]]
* {{flagicon|Turkaland}} [[Amasya]], [[Turkaland]]

== Myndasavn ==

<gallery>
Mynd:Nuuk_bus.jpg|Ferðsluljós í Nuuk.
Mynd:Sermitsiaq.jpg|[[Sermitsiaqfjøll]].
Mynd:Egede nuuk.JPG|[[Hans Egede]] setti býin á stovn í 1728. Tað stendur ein standmynd av honum á einum fjalli, haðani hann sær út um allan býin.
Mynd:Godthabhallen.jpg|[[Nuuk Godthabhallen]].
Mynd:Annaassisitta-Oqaluffia-old-nuuk.jpg|Her er elsta kirkjan í Nuuk. Hon er eisini Grønlands dómkirkja.
Mynd:Nuuk_city_below_Sermitsiaq.JPG|Tað eru nógv litføgur hús í Nuuk.
Mynd:Coat_of_Arms_of_Nuuk.svg|Her er býarmerkið hjá Nuuk. Tað vísir eitt reytt hús og fjallið, [[Sermitsiaq]], í baksýninum.
</gallery>

{{Commonscat}}

[[Bólkur:Býir og bygdir í Grønlandi]]
[[Bólkur:Grønland]]