Norðbergseiði

Grímsfjall, stóri kletturin og Kolaratangi, sæð av Norðbergseiðinum.

Norðbergseiði er eitt av tveimum eiðum í Hvalba, tað er tað norðara eiðið. Hvalbingar rópa tað Á Drátti. Fjallið Norðberg er beint norðanfyri Norðbergseiði, tað er haðani at staðarnavnið er komið. Norðberg er eisini ættarnavn í Hvalba. Norðbergseiði er á vestursíðuni á Suðuroynni, beint vestanfyri bygdina, koyrivegur er heilt vestur til eggina og stórt parkeringsøki er har. Veirar vóru settir upp í 2010 fram við eggini, so tað er tryggari at ganga har. Ein stórur klettur datt av berginum, sum er beint sunnanfyri Norðbergseiði, einaferð í 1980'unum, hann liggur har enn. Tað hoyrdist og ristingar føldist heilt heim í bygina, tá hendingin fór fram.

Síging á Norðbergseiði

Í 2009 byrjaðu nakrir menn úr Hvalba at bjóða elligamla føroyska siðin síging sum ferðavinnumál. Tað gekk væl og í 2010 varð hetta aftur roynt við góðum úrsliti. Fólk kunnu síga niður á sermerktu helluna við stabbagróti og síðan verða hálaði uppaftur. Onkuntíð er bátatúrur við sum ein eyka uppliving.

Holið í helluni á Norðbergseiðinum

Eitt hol er í helluni á Norðbergseiðinum, beint við vegin. Eitt høgt hegn er sett rundan um holið, so eingin er í vanda fyri at detta niður í holið. Til ber at síggja niður í Atlantshavið og niður á helluna við stabbagróti, sum er niðri við sjóvarmálan.

Bukkeval var á Norðbergseiði

Áðrenn føroyingar fingu fasta skipan við at brenna alt burturkast á brennistøð høvdu flestu størri bygdir sítt egna skrellipláss, har burturkast var beint burtur. Hvalbingar brúktu Norðbergseiði til Bukkeval, burturkast var koyrt á bláman vestur av Drátti har eins og tað var gjørt í øðrum bygdum. Hetta er nú strangliga bannað, nú er staðið eitt vakurt stað, har fólk koma fyri at njóta vøkru náttúruna.

Myndir

• 
  Útsýni av Drátti móti Grímsfjalli. Stóri kletturin sæst í urðini beint við sjóvarmálan.
• 
  Norðbergseiði og fjallið Norðberg. Koyribreytin og vendiplássið sæst eisini. Tað er her skrelliplássið var fyrr.
• 
  Holið sum er í helluni á Norðbergseiðinum. Girðing er rundanum.
• 
  Norðbergseiði, stabbagrót sæst niðri á helluni.

Útvortis ávísingar

• Hvalba.fo, heimasíðan hjá Hvalbiar kommunu.
• Siging.info, heimasíðan hjá Spf. Síging. Archived 2010-05-02 at the Wayback Machine