Muhammad Ali

Muhammad Ali
Muhammad Ali in 1967
Fødd(ur)	Cassius Marcellus Clay Jr. (1942-01-17)17. januar 1942 Louisville, Kentucky, USA.
Andaðist	3. juni 2016(2016-06-03) (aldur 74) Scottsdale, Arizona, USA.
Hvíldarstaður	Cave Hill Cemetery, Louisville, Kentucky, USA.
Minnisvarðar	Muhammad Ali Mural, Los Angeles, CA
Onnur nøvn	The Greatest The People's Champion The Louisville Lip
Etnisk bakgrund	Afroamerikanari
Útbúgving	Central High School (Louisville, Kentucky (1958)
Átrúnaður	Islam
Denomination	Sunni Islam
Ákæra	Slapp sær undan herskyldu
Straffur	5 ára fongsulsrevsing, 10.000 dollarar í bót, og bann frá boksing í 3 ár.
Rættarlig støða	Kolldømt í 1971
Hjúnafelagi(ar)	Sonji Roi (g. 1964; sk. 1966) Khalilah Ali (g. 1967; sk. 1977) Veronica Porché Ali (g. 1977; sk. 1986) Yolanda Williams (g. 1986–2016)
Børn	9, har ímillum Laila Ali
Foreldur	Cassius Marcellus Clay Sr. Odessa Grady Clay
Virðislønir	Listi yvir virðislønir 5 ferðir The Ring magazine Fighter of the Year 3 ferðir Lineal championship Heavyweight Champion (1964, 1974, 1978) 3 ferðir The Ring magazine Heavyweight Champion (1964, 1974, 1978) 2 ferðir World Boxing Council Heavyweight (WCH) Champion (1964, 1974) 4 ferðir World Boxing Association (WBA) Heavyweight Champion (1964, 1967, 1974, 1978) 3 ferðir North American Boxing Federation (NABF) Heavyweight Champion (1971, 1973, 1974) 2 ferðir Amateur Athletic Union (AAU) Champion (1959, 1960) 2 ferðir National Golden Gloves Champion 6 ferðir Kentucky Golden Gloves Champion (1955, 1956, 1957, 1958, 1959, 1960) Summar-OL 1960 Light Heavyweight Champion (1960) Sports Illustrated Sportsperson of the Year (1974) Associated Press Athlete of the Year (1974) International Press Athlete of the Year (1974) 6 ferðir Ring Magazine Fight of the Year (1963, 1965, 1971, 1974, 1975, 1978) 3 ferðir Boxing Writers Association of America (BWAA) Fighter Of The Year (1965, 1974, 1975) Sports Illustrated Sportsman of the Century]] BBC Sports Personality of the Century Cold Spring Harbor Laboratory (CSHL) Double Helix Medal Honoree (2006) Martin Luther King Memorial Award (1970) Presidential Citizens Medal Presidential Medal of Freedom International Boxing Hall of Fame Hollywood Walk of Fame
Heimasíða
muhammadali.com

Muhammad Ali (føddur Cassius Marcellus Clay Jr.; 17. januar 1942 – 3. juni 2016) var ein amerikanskur olympiskur ítróttarmaður, yrkisboksleikari og aktivistur. Hann er ein av kendastu ítróttarfólkum í 20. øld.

Cassius Clay var føddur og uppvaksin í Louisville, Kentucky í USA. Hann byrjaði at venja amatørboksing tá ið hann var tólv ára gamal. Tá hann var átjan ára gamal, vann hann eina gullmedalju til olympisku leikirnar í Róm í 1960. Stutt eftir tað skifti hann átrúnað til islam. Tá Clay var 22 ár í 1964, vann hann tveir boksititlar frá Sonni Liston. Tað var tá at hann skifti navn frá Cassius Clay til Muhammad Ali, tí hann føldi at Cassius Clay var eitt "trælanavn".

Í 1966, tvey ár aftaná at hava vunnið tungvektsbokstittulin frá Sonni Liston, forargaði Ali ta amerikonsku stjórnina við at nokta at skriva seg inn í tann amerikanska herin. Hann var ímóti amerikanska virkseminum í Vjetnam, og segði sín átrúnað vera orsøkina til avgerð sína. Hann var seinni handtikin og funnin sekur í at mótsiga hernaðarskyldu. Eisini vóru bokstitlar hansara tiknir frá honum. Hann mótmælti fyri hægstarætti í USA, sum læt dómin falla í 1971.

Ali er mettur at vera ein av bestu tungvektboksarum í 20. øld. Hann var seks ferði valdur sum "ársins nevaleikari" í blaðnum The Ring. Hann var valdur sum "Besti ítróttarmaður í 20. øld" av Sports Illustrated og BBC. Sjónvarpstøðin ESPN nevndi hann triðja besta ítróttarmann í 20. øld. Ali hevði eyknevnið "the Greatest" og var við í fleiri søguligum boksdystum. Har ímillum kunna nevnast: Fight of the Century, Super Fight II, Thrilla in Manilla, og The Rumble in the Jungle, har hann bardist við George Foreman.

Í tí tíðini tá Ali bardist sum mest, var tað venjan at umboðsmenn boksarana tóku sær av at tosa við fjølmiðlar. Ali stórtreivst í kastljósinum, har hann ofta kundi vera ágangandi og margháttligur. Hann var kendur fyri at útspilla mótstøðuleikaranar, og tosaði ofta skjótt, í rími, ella yrkingum. Hetta gjørdi hann eisini undir yrkisleið síni sum aktivistur. Sum tónleikari tosaði Ali inn á tvær plátur og var við í einum rútmu/blues sangi. Hetta fekk hann tvær Grammy tilnevningar fyri. Sum sjónleikari var hann við í fleiri filmum og einum Broadway songleiki. Ali skrivaði tvær sjálvsævisøgur, eina undir yrkisleið sínari sum boksari og eina aftaná.

Eftir at Ali gavst sum boksari í 1981, gav hann lív sítt til átrúnaðar- og góðgerðarstarvsemi. í 1984 greindist hann við Parkinsonsjúku, sum læknar hansara mettu, at var komið av skaða í heilanum, ið hann hevði mátt fingið undir starvi sínum sum boksari. Sum Ali fór versnandi av sjúkuni, minkaðu eisini tær almennu upptraðkaninar. Familja Ali tók sær av honum til deyða hansara í Arizona tann 3. juni 2016.