Markus Joensen

Markus Pauli Joensen (føddur 1996) er ein føroyskur svimjari, sum hevur sett fleiri føroysk juniormet í svimjing, og harafturat hevur hann eisini sett seniormet á ungum aldri. Á FM Stevnuni í Havn í mai 2013 setti hann trý juniormet. Hann varð kosin Ársins stjørnuskot, tá allar kappingarnar vóru lidnar á FM 2013. Hin 21. mai 2013 varð hann úttikin til Føroyska svimjilandsliðið (ungdómslandsliðið), sum skal luttaka á NMU í Reykjavík 13. og 14. juli 2013.

Lívsleið innan svimjing

FM Stevna 2013

Junior úrslit

• Gull í 200 m blandað við tíðini 2:06.28
• Gull í 4 x 100 m blandað við tíðini 3:58.82
• Gull í 100 m bringu við tíðini 1:04.77, sum var føroyskt juniormet
• Gull í 4 x 100 m frí við tíðini 3:34.53
• Gull í 100 m rygg við tíðini 1:00.75
• Gull í 50 m bringu við tíðini 30.00 Føroysk juniormet

Senior úrslit

• Silvur í 50 m bringu við tíðini 30.00 Føroysk juniormet
• Silvur í 100 m rygg við tíðini 1:00.75
• Silvur í 100 m bringu við tíðini 1:04.77, sum var føroyskt juniormet
• Bronsu í 200 m blandað við tíðini 2:06.28

Actavis International 2013 í Íslandi - langgeil

• Silvur í 100 m bringu við tíðini 1:08.93 (føroyskt juniormet)
• Bronsu í 50 m rygg við tíðini 29.17

Bank Nordik Stevna í Vági 2013 - juniormet í 100 m bringu

Markus luttók á Bank Nordik stevnu í Vági í mars 2013. Hann setti føroyskt juniormet í 100 metrum bringu við tíðini 1:06.26.

Íslandsk Meistarastevna 2012

Markus luttók á meistarastevnu í svimjing í Íslandi í apríl 2012. Hann setti føroyskt seniormet í 200 m bringu við tíðini 2:37.87, hetta var í innleiðandi riðli. Hann svam seg í finaluna, men varð tíverri kolldømdur í finaluni. Gamla metið var 2:38.20, sum Jákup Øssursson setti í 2006 í Luxembourg. Bartal Hestoy hevur seinni betra um hetta metið, sum í løtuni (mai 2013) er 2:26.44.