Krista Mørkøre

Frá Wikipedia, hin frælsa alfrøðin
Far til: navigatión, leita

Krista Mørkøre (fødd 1998) er ein føroyskur svimjari, sum svimir fyri Ægir og Føroyar (ÍSB). Krista ber brek og svimur tí í kappingum sum eru fyri fólk við breki, brekið hjá Kristu er bólkað sum S10. Hon luttekur tó eisini í vanligum svimjikappingum í Føroyum. Á Ægir Stevnu í februar 2011 vann hon eina bronsunál í 50 metrum frí.[1] Krista fekk í 2007 ein svull í heilan, ið ger at hon hevur lammilsi í høgru síðu av andlitinum og hevur ataxi í høgra armi og beini.

Í 2016 kláraði Krista at kvalifisera seg til EM fyri parasvimjarar, ið varð mánaðarskiftið apríl-mai 2016 og til Paralympisku leikirnir í Rio, ið verða 7. til 18. septembur 2016. Í Rio skal hon svimja 50m, 100m og 400m frísvimjing. Krista svimur undir føroyska Merkinum av tí at ÍSB er fullgyldugur limur, og var við til at stovna IPC.[2]

Lívsleið innan svimjing[rætta | rætta wikitekst]

Paralympisku leikir 2016[rætta | rætta wikitekst]

Krista Mørkøre skal luttaka á summar-PL 2016 í Rio de Janeiro. Leikirnir eru frá 7. til 18. september. Tíðirnar eru lokalar tíðir ið eru fýra tímar frammanfyri føroyska tíð.[3] Hon svam hesar tíðir:

  • 50m frí innleiðandi við tíðini 32:54
  • 100m frí innleiðandi við tíðini 1:12.4
  • 400m frí innleiðandi við tíðini 5:18.50

Croatia Open 2016[rætta | rætta wikitekst]

  • Silvur í 50 m frísvimjing á langgeil við tíðini 32.41[4]

British National Para Swimming Championships 2015[rætta | rætta wikitekst]

  • Gull í 400 frí við tíðini 5:17.07
  • Gull í 100 frí við tíðini 1:08.49 (persónligt met)
  • Gull í 50 frí við tíðini 31.69 (persónligt met)
  • Silvur í 100 bringu við tíðini 1:31.00 (betring av hennara persónliga meti við 2.4 sekundum)[5]

HM 2015 í Glasgow[rætta | rætta wikitekst]

Krista luttók á HM í svimjing fyri brekað, sum varð í døgunum 13. til 19. juli 2015 í Glasgow. Hon luttók í bólkunum S10 og SB9.[6]

  • Mánadag 13. juli: Kvinnur 50 frí S10
  • Mikudag 15. juli: Kvinnur 100 bringu SB9
  • Fríggjadag 17. juli: Kvinnur 100 firvald S10
  • Leygardag 18. juli: Kvinnur 100 frí S10
  • Sunnudag 20. juli: Kvinnur 400 frí S10

Úrslit[rætta | rætta wikitekst]

Krista vann ikki nakað heiðursmerki, men hon svam sínar til tá bestu tíðir og setti sostatt persónlig met í øllum fýra kappingum, ið hon luttók í.

  • Í 50 frí svam hon 32.01 har hennara besta tíð áðrenn hetta var 32.33.
  • Í 100 bringu svam hon 1:33.40 har hennara besta tíð var 1:33.43
  • Í 100 frí svam hon 1:08.76 har hennara besta tíð var 1:08.91
  • Í 400 frí svam hon 5:23.52 har hennara besta tíð var 5:37.52[7]

Danish Open 2015[rætta | rætta wikitekst]

Krista luttók á Danish Open 2015 í Esbjerg í mars 2015.

  • Silvur í 200 metra frí við tíðini 2:37.85, ið var persónligt met[8]

Danish Open 2014[rætta | rætta wikitekst]

Krista luttók á Danish Open 2014 í Esbjerg 7.-9. mars 2014. Alt í alt vann Krista 1 gull, 2 silvur og 2 bronsu á hesi stevnu, og setti 7 persónlig met.

  • Gull í 50 metrar firvald við tíðini 36.82[9]
  • Silvur í 100 firvald við tíðini 1:32.66
  • Silvur í 50 m bringu við tíðini 45.09
  • Bronsu í 200m frísvimjing við tíðini 2:36:31 (persónligt met) [10]
  • Bronsu í 400 m frí við tíðini 05:40.62

NM - International Para Games 2013 í Stokkhólmi[rætta | rætta wikitekst]

Krista luttekur í Norðurlendskari Meistarastevnuni fyri brekað, sum eisini verður nevnd International Para Games 2013 í Stokkhólmi fyrsta vikuskifti í november 2013.[11]

  • Bronsu í 400 m frí við tíðini 5:35.77, sum var persónligt met[12]
  • 50 m firvald við tíðini 37.72, sum var persónligt met

IDM 2013 í Týsklandi[rætta | rætta wikitekst]

Krista luttók á IDM kapping í Týsklandi í mai 2013, kappingin nevnist 27. Internationale Deutsche Meisterschaften Im Scwimmen Der Behinderten. Hon vann 5 bronsu heiðursmerki.[13] Hon var 14 ára gomul, tá hon luttók í kappingini. Miðja verður ímóti at hon megnar at kvalifisera seg til Paralympisku Leikirnir í Rio í 2016.[14]

German Open 2011 í Berlin[rætta | rætta wikitekst]

Kappingin gekk fyri seg á langgeil, 25. Internationale Deutsche Meisterschaften im Schwimmen. Krista var 12 ára gomul, tá hon luttók í hesi kappingini.

  • Silvur í 50 bringu við tíðini 47.01[15]
  • Silvur í 100 frí við tíðini 1:15.08
  • Silvur í 50 firvald við tíðini 46.42[16]
  • Bronsu í 400 frí við tíðini 5:51.29
  • bronsu í 200 frí við tíðini 2:48.25
  • bronsu í 100 bringu við tíðini 1:42.09
  • bronsu í 200 blandað við tíðini 3:28.06

Keldur[rætta | rætta wikitekst]