Sí keldu fyri Klaksvík

{{Geobox|Settlement
<!-- *** Fyrimyndhøvd *** -->
| name                  = Klaksvík
| native_name           = 
| other_name            = ''Klaksvig'' <small>([[danskt mál|danskt]])</small>
| category              = Býur 
<!-- *** Mynd *** -->
| image                 = Faroe_Islands,_Bor%C3%B0oy,_Klaksv%C3%ADk_(4).jpg
| image_caption         = Klaksvík
<!-- *** Lond, regiónir vm *** -->
| country               = {{flag|Føroyar}}
| state                 = | state_type = 
| region                = [[Norðoyar]] | region_type = [[Sýsla]]
| district              = [[Borðoy]] | district_type = [[Oyggj]]
| municipality          = [[Klaksvíkar kommuna]] | municipality_type = [[Kommunur í Føroyum|Kommuna]]
<!-- *** Dimensiónir *** -->
| area                  = | area_decimals =
<!-- *** Fólkatal *** -->
| population            = 4997 | population_date = 2021 | population_note = <ref name="hagstova">[hhttps://statbank.hagstova.fo/pxweb/en/H2/H2__IB/ Hagstova.fo]</ref>
<!-- *** Kotur ***  -->
| postal_code           = FO-700 og FO-710 | postal_code_type = [[Postnummur_í_Føroyum|Postnummur]] 
| code                  = 59-12-00 mk.gl.sk. | code_type = [[Markatal]]
<!-- *** Kart *** -->
| map                   = Klaksvik on Faroe map.png
|
}}
[[Mynd:Faroe Islands, Borðoy, Klaksvík (3).jpg|thumb|265px|Býarmynd.]]
[[Mynd:Christianskirkjan Klaksvik.JPG|thumb|right|265px|[[Christianskirkjan]] varð vígd tann 7. juli í 1963.]]
'''Klaksvík''' er næststørsti býur í [[Føroyar|Føroyum]]. Harumframt er [[Klaksvíkar kommuna]] næststørsta kommuna í [[Føroyar|Føroyum]] við umleið 4 900 borgarum. Kommunan fevnir um ein bý, fimm bygdir og er á trimum oyggjum. Á [[Borðoy]]nni eru [[Norðoyri]], [[Árnafjørður]], [[Ánir]] og Klaksvík. Á [[Kalsoy]]nni eru [[Mikladalur]] og [[Trøllanes]]. Harafturat er [[Svínoy]]ggin komin við í [[Klaksvíkar kommuna|Klaksvíkar kommunu]] frá [[1. januar]] [[2009]]. Klaksvíkin er størsti fiskivinnubýur í [[Føroyar|Føroyum]].

Tann fyrsta búsetingin í Klaksvík røkkur heilt aftur í [[Víkingaøld í Føroyum|víkingatíðina]], men tað var ikki fyrr enn í [[20. øld]], at býlingarnir veruliga vuksu saman til ein nýmótans føroyskan bý, sum gjørdist ein mentanarligur og vinnuligur miðdepil í Norðuroyggjum og Føroyum sum heild.

Í Klaksvík búgva 90 fremmandafók úr 25 ymiskum londum.<ref>{{Cite web |url=http://www.in.fo/news-detail/bbc-ger-upptoekur-i-foeroyum/ |title=Archive copy |accessdate=2017-04-13 |archive-date=2017-04-16 |archive-url=https://web.archive.org/web/20170416012900/http://www.in.fo/news-detail/bbc-ger-upptoekur-i-foeroyum/ |dead-url=yes }}</ref>

== Brot úr eldru søgu Klaksvíkar ==

[[Klaksvíkar kommuna]] varð sett á stovn í [[1908]], og síðani tá hevur bygdin ment seg til at verða miðdepil í [[Norðoyar|Norðoyggjum]], og størsti fiskivinnubýur í landinum, men søgan hjá bygdini gongur nógv longur aftur í tíðina. Í 1901 búðu 545 fólk í teimum fimm býlingunum.

[[Føroyar]] vóru bygdar av norðbúgvum frá umleið [[825 e.Kr|825]] til [[970 e.Kr]]. Í hesum tíðarskeiðinum vóru tær [[Føroyar|føroysku]] landnámsbygdirnar til. Tað er ikki vist, at fyrsta norrøna búsetingin í Klaksvík er so gomul, men um ár 1100 hava fólk búleikast har. Tað er møguligt at fyrsta búsetingin í Klaksvík gongur heilt aftur til um ár [[1000]]. Nakar miðdepil hevur staðið kortini ikki verið ta fyrstu tíðina. 

Tey umleið 6 heimatingini, sum umframt [[Løgting|tingið]] í [[Tórshavn]] hava verið í [[Føroyar|Føroyum]] frá fornari tíð, ganga helst aftur til búsetingina. Heimatingini vóru upprunaliga sett á óbygdum stað millum bygdir. [[Norðoyar|Norðoya]] ting kom saman í [[Køtlum]] omanfyri [[Árnafjørður|Árnafjørð]], men einaferð í [[17. øld]] vóru heimatingseturnar fluttar oman millum húsini. Í [[Norðoyar|Norðoyggjum]] savnaðust menn at halda ting í [[Vágur|Vági]] – núverandi Klaksvík. Hetta tingið virkaði til [[1896]], tá øll heimatingini í [[Føroyar|Føroyum]] vóru niðurløgd.<ref>[http://www.klaksvik.fo/ klaksvik.fo]</ref> 

Hendan miðsavnanin av [[Norðoyar|Norðoya]] tingsetuni í [[Vágur|Vági]] í [[17. øld]] var møguliga tekin um, at fólkatalið í Klaksvík var farið at økjast í mun til onnur støð í [[Norðoyar|Norðoyggjum]]. Klaksvíkin var kortini ikki til sum samanhangandi eind um hetta mundið. Tvørturímóti vóru fýra býlingar á staðnum, sum vóru óheftir av hvørjum øðrum. Hesir vóru í [[Gerðar|Gerðum]], á [[Myrkjanoyri]], í [[Vágur|Vági]] og í [[Uppsølum]]. 

Fólkatalið var ikki stórt. Í [[1802]] – tá fólkatalið í [[Føroyar|Føroyum]] var umleið 5000 - búðu tilsamans 88 fólk í teimum fýra býlingunum. Í [[Uppsølum]] 43, í [[Vágur|Vági]] 23, í [[Gerðar|Gerðum]] 15 og á [[Myrkjanoyri]] 7. Hesi tøl siga nakað um, hvussu stór vanlukka skalvalopini í [[Gerðar|Gerðum]] í [[1745]] og [[1765]], sum kostaðu ávikavist 4 og 20 fólkum lívið, vóru fyri býlingin. Bóndahúsini í [[Gerðar|Gerðum]] vóru bygd upp aftur á sama stað í [[1745]], men í [[1765]] vóru tey bygd uppaftur á øðrum stað.<ref>[http://www.hagstova.fo/ hagstova.fo]</ref>

Í fyrru helvt av [[20. øld]] var Klaksvík tann býurin í Føroyum, sum hevði nógv tann størsta vinnuliga framburðin. Býurin vaks frá at vera fimm smáir býlingar í Norðuroyggjum miðskeiðis í 1800-árunum til at vera fremsta fiskivinnuhavn í landinum um 1960.

Í 2006 vóru [[Norðuroyggjar]] knýttar at miðstaðarøkinum við [[Norðoyatunnilin|Norðoyatunnlinum]]. 

== Christianskirkjan ==
''Sí grein um [[Christianskirkjan|Christianskirkjuna]]''

Christianskirkjan er fyrsta stóra kirkjan í [[Norðurlond]]um, sum er bygd eftir fornum norrønum byggihátti. Kirkjan kostaði umleið tvær milliónir krónur at byggja.<ref>{{Cite web |url=http://www.visitnordoy.fo/index.asp?pID=%7B60CB68D9-8B59-4B89-A775-A361F9810B9F%7D |title=Archive copy |accessdate=2017-04-13 |archive-date=2022-10-05 |archive-url=https://web.archive.org/web/20221005080229/https://www.visitnordoy.fo/index.asp?pID=%7B60CB68D9-8B59-4B89-A775-A361F9810B9F%7D |dead-url=yes }}</ref>

== Norðoya Fornminnasavn ==
[[Mynd:Klaksvík.png|thumb|right| Býarkort]]
=== Norðoya fornminnasavn ===
Norðoya Fornminnasavn varð stovnað í 1968. Savnið heldur til í teimum gomlu einahandilshúsunum í Klaksvík, bygd í 1838. Norðoya Fornminnasavn hevur tvey framsýningarhøli. Annað vísir fram arbeiðsamboð og lutir frá farnari tíð so sum fískireiðskap, búnýti, amboð og annað frá gerandislívinum. Nevnast kann t.d. ein gomul kvørn, seinast nýtt at mala korn við í seinna heimsbardaga. Nakrar gamlar myndir av Norðoyggjum eru eisini at síggja. Hitt hølið er Apotekið. Upprunliga varð tað gjørt í 1919 til toystovu, men varð brúkt sum apotek frá 1932 til 1961. Sum partur av savnsarbeiðinum hevur savnið ognað sær motorbátin [[Nólsoyar Páll]], smíðaður í Klaksvík í 1927. Hann liggur fyri teymi á vánni og verður varðveittur sum útróðrarbátur. Savnið eigur eisini aðrar ognir kring allar Norðoyggjar, fráfluttu bygdina [[Fossá]], hjall í [[Gerðar|Gerðum]] og eina mylnu í [[Kunoy]].

* Joensen, Súsanna: 17 málningar í Klaksvík. Í: Mondul, nr. 3/[[1981]]
* Kierkegaard, Bo og Jørgen Wadum: Pilastrar, kannilurar og rosettir. Í: Mondul, nr. 1/[[1984]]

=== Leikalund ===

Nógv kenna handilin [[Leikalund]], sum heldur til í einum gomlum handilshøli hjá kongliga einahandlinum. Leikalund er handil og mentanardepil í gomlu handilshølunum hjá kongaliga einahandlinum úti í Klaksvík. Elsti parturin av húsinum er tann norðasti. Hann varð tikin í nýtslu í 1838. Nú kenna vit betur tann partin av handlinum sum Spaniastova, og heldur enn at vera brúkt sum handilshøli, er Spaniastova karmur um konsertir, sjónleikir, fyrilestrar, framsýningar og er eitt vælumtókt veitsluhøli. Sunnara lonin varð bygd í 1847, og var tá kallað “nýggja pakkhús”, meðan norðari bygningurin tá var róptur “gamla pakkhús”.

=== Gamla apotekið ===

Norðoya Fornminnissavn varð stovnað í [[1968]] og yvirtók í [[1974]] gamla apotekið í Klaksvík. Hetta er eitt vakurt, gamalt høli við gomlum innrætningi. Á veggirnar vóru málaðir 17 málningar við motivum úr Klaksvík.<br />
Savnið hevur eisini ognað sær tey gomlu Faktorshúsini, sum standa beint oman fyri gamla apotekið. Faktorshúsini vórðu bygd til faktorin samstundis sum handilshúsini.

== Stevnur, mentanardagar og festivalar í Klaksvík ==

Í Klaksvík eru stevnur av ymiskum slag fleiri ferðir um árið. 

* [[Torradagar]]
* [[Norðoyastevna]]
* [[Summarfestivalurin]]
* [[Sjómannadagur]]

== Myndasavn ==

<gallery>
Mynd:Klaksvík_Borðoy.1.jpg
Mynd:Klaksvík.png|Klaksvíkar býarkort.
Mynd:Faroe Islands, Borðoy, Klaksvík (5).jpg|Skip og bátar við Skipasmiðjuna.
Mynd:Faroe_Islands,_Borðoy,_Klaksvík_(6).jpg
Mynd:Shipyard_in_klaksvik,_faroe_islands.jpg|Klaksvíkar Havn.
</gallery>

== Sí eisini ==
[[Klaksvíkar Ítróttarfelag]]
[[Býráðsformenn í Klaksvíkar kommunu]]
[[Klaksvíkar kommuna|Klaksvíkar kommunu]]

== Keldur ==
<references/>

== Slóðir ==
* Heimasíðan hjá kommununi: [http://www.klaksvik.fo/ klaksvik.fo]
* [http://www.visitnordoy.fo/index.asp?pID=%7BE0B81ED6-5EE1-4550-96F5-4828F68D2DCB%7D Norðoya Fornminnasavn] {{Webarchive|url=https://web.archive.org/web/20210517192616/http://www.visitnordoy.fo/index.asp?pID=%7BE0B81ED6-5EE1-4550-96F5-4828F68D2DCB%7D |date=2021-05-17 }}

{{Commonscat}}
{{coord|62|13|35|N|6|35|00|W|type:city|display=t}}

{{Klaksvíkar kommuna}}

[[Bólkur:Bygdir í Føroyum]]
[[Bólkur:Klaksvík|*]]
[[Bólkur:Borðoy]]