Jóannis Kristiansen
Jóannis Kristiansen (12. februar 1918 í Leirvík - 3. mars 1988 í Keypmannahavn), ofta eisini nevndur leirvíksmálarin, var listamálari. Hann giftist 1967 við Else Margrethe Bonke úr Hvidkilde á Lollandi, og hon er á mongum av hansara persónsmyndum. Jóannis fór í 1935 til Danmarkar, har hann fór í handverkslæru sum málari. Tá lærutíðin var lokin, var seinni heimsbardagi brostin á, og Jóannis varð eins og mangir aðrir føroyingar verandi í Danmark krígsárini. Hesi árini slapp hann at útbúgva seg á listarliga økinum. Í 1941-42 kom Jóannis inn á Tegne- og malerskolen "Studio" í Palægade. Seinni kom Jóannis í læru hjá myndahøggaranum Ib Schmedes, sum hevði næmingar sínar á Den Kongelige Afstøbningssamling á Statens Museum for Kunst, og endiliga – í 1944 – lá gøtan opin inn á Kunstakademiið.
Jóannis varð búgvandi í Danmark, til hann doyði í 1988, men vitjaði javnan í Føroyum um sumrini at mála. Nógvir av málningum hansara hava myndevni úr Leirvík og har um leiðir.
Slóðir úteftir
[rætta | rætta wikitekst]- Jóannis Kristiansen Archived 2007-02-20 at the Wayback Machine
- Theresa Kohlbeck Jakobsen: Jóannis Kristiansen: The Impressionist of the Land of Maybe. Grein í Daily art magazine. https://www.dailyartmagazine.com/joannis-kristiansen/
- Jóannis Kristiansen á Artnet: https://www.artnet.com/artists/joannis-kristiansen/
- Listamálarin Jóannis Kristiansen úr Leirvík : 1918-1988 : framsýning í Listaskálanum 9. februar til 3. mars 1996 (framsýningarskrá). Tórshavn: Listasavn Føroya
- Petersen, Petur Martin (1993): Jóannis Kristiansen : 75 ára minnisrit. Leirvík: Áhugafelagið.
- Petersen, Petur Martin (1993): Jóannis Kristiansen : 75 års mindeskrift. Leirvík: Áhugafelagið.
- Petersen, Petur Martin (2022): Lív leirvíksmálarans í episkari frásøgn : Jóannis Kristiansen 1918-1988. Vestmanna: Sprotin.
- Petersen, Petur Martin, Solveig Olsen & Jóannes Gaard (2022): Jóannis Kristiansen : tann føroyski impressionisturin (tekstur á føroyskum og enskum). Vestmanna: Sprotin
- Petersen, Petur Martin, Solveig Olsen & Jóannes Gaard (2022): Jóannis Kristiansen : den færøske impressionist (tekstur á donskum og týskum). Vestmanna: Sprotin.