Habo kirkja

Habo kirkja (svenskt: Habo kyrka) er ein gomul trækirkja i Habo í Skara stift í Svøríki frá umleið 1680.^[1] Kirkjan verður vanliga nevnd "Träkatedralen vid Vättern". Kirkjan er bygd úr timbri og fekk sína núverandi útsjónd í 1723. Inni í kirkjuni eru málningar frá gólvi til tak, ið avmynda Luthers kristnu læru.

Møblar

Altarið av sandsteini er frá 14. øld.
Dópfunturin av sandsteini er frá seinna partinum av 13. øld. Í 1948 varð hann aftur tikin í brúk.
Altartalvan og prædikustólurin eru frá 1723, Jonas Ullberg hevur gjørt tey.
Orgulfasadan er frá 1736, myndahøggarin Magnus Ullberg-Johansson úr Habo hevur prýtt. Upprunaliga hoyrdi fasadan til eitt orgul við átta røddum, sum Johan Niclas Cahman hevði gjørt. Í 1962 fekk núverandi orglið 16 stemmur, ið Olof Hammarberg gjørdi.