Fólkaheilsuráðið
Fólkaheilsuráðið er eitt ráð í Føroyum, sum hevur til endamál, at styrkja tiltøk fyri heilsufremjing, sjúku- og vanlukkufyribyrging, bæði í almanna- og heilsuverkinum. At stimbra gransking og royndum á fyribyrgingarøkinum og at skipa fyri, at ítøkilig heilsufremjandi og sjúkufyribyrgjandi tiltøk í fólkaheilsuætlanum landsstýrisins verða sett í verk og framd. Ráðið hevur skrivstovu á J.C. Svabosgøta 43 í Havn.[1]
Ráðslimir[rætta | rætta wikitekst]
Í Fólkaheilsuráð sita 7 limir, tilnevndir av landsstýrismanninum fyri 4 ár í senn. Ein limur umboðar undirvísingarverkið, ein limur umboðar almannaverkið og fýra limir eru heilsustarvsfólk. Landsstýrismaðurin velur sjeynda limin, sum eisini skal hava serligt innlit í almanna- og heilsuviðurskifti. Landsstýrismaðurin velur formann og næstformann millum limirnar í ráðnum. Limirnir eru valdir sambært §2 í lóg um Fólkaheilsuráð. Valskeiðið 2008 til 2011 vóru ráðslimirnir hesi:
- Pál Weihe, formaður, Yvirlækni, Deildin fyri arbeiðs-og almanna heilsu
- Marjun Berg, næstformaður, Socialráðgevari, Almannastovan
- Kári Rasmussen, Kommunulækni, Tórshavn
- Bjarta Vilhelm, Leiðari, Gigni – Heilsufrøði til børn & ung
- Jens Jensen, Løgreglumaður, Kriminaldeildin, Politiið í Føroyum
- Tórfinn Højgaard, Lærari, Venjingarskúlin
- Hannilena Jacobsen, økonoma, Klaksvíkar sjúkrahús[2]