Áarsíl

Frá Wikipedia, hin frælsa alfrøðin
Jump to navigation Jump to search
Áarsíl
Faroe stamp 250 brown trout (salmo trutta fario).gif
Vísindaflokking
Ríki: Animalia
Rað: Chordata
Flokkur: Actinopterygii
Røð: Salmoniformes
Familja: Salmonidae
Ætt: Salmo
Slag: S. trutta fario

Áarsíl (frøðiheiti - Salmo trutta fario). Í mun til sjósíl (latín salmo trutta trutta), ið fáa mesta vøksturin í sjógvi, liva áarsíl alt lívið í áum, vøtnum og løkjum. Tað hevur sama lit alt lívið og líkist sjálvt 6-7 gamalt einum óbúnum sjósíli. Áarsíl verða vanliga aðrastaðni ikki kynsbúgvin, fyrr enn tey eru 30 cm. til longdar. Men í kørgu áunum og vøtnunum í Føroyum eru tey kynsbúgvin longu, tá tey eru 13-14 cm. til longdar ella uppaftur fyrr. Livilíkindini hjá sílum í Føroyum er nær tengt at avfallinum og umhvørvinum annars. Vaksandi jarðarbrúki í nógvum dølum førir til, at tøð lekur í áirnar, og dálking annars er eisini ein vandi. Byrgingar til ymisk endamál tøma áirnar, tá turkur er. Upprunin til áarsíl, ið ofta eru í avbyrgdum vøtnum, er helst, at sjósíl hava verið avbyrgd frá sjónum í longri tíð.

Kelda[rætta | rætta wikitekst]

Wikimedia Commons logo
Sí miðlasavnið