Skapanarlæran

Frá Wikipedia, hin frælsa alfrøðin
Far til: navigatión, leita

Skapanarlæran er trúgvin uppá, at Guð skapaði heimin uppá 6 vanlig samdøgur fyri 6.000 - 10.000 árum síðan. Írski biskupurin James Ussher (4. januar 158121. mars 1656) helt seg kunna dagfesta skapanina til 23. oktober 4004 f.Kr.[1][2]

Fólk, ið trýr upp á skapanarlæru, heldur, at alt í Bíbliuni við denti løgdum á mósebøkurnar er sannleiki og veruligar hendingar. Skapanarlæra, sum vit kenna hana í dag (ungjarðarskapanarlæra), er sprottin frá adventistunum í USA í 1800-talinum, og síðan hevur læran breitt seg út og komið til aðrar evangeliskar kirkjur eftir 1960. Kristin skapanarlæra kom veruliga á politisku dagsskránna í USA í sjeytiárunum, tá konservativur kristindómur fekk vind í politisku seglini.

Í dag siga umleið 40 % av amerikanarum seg trúgva, at jørðin er 6 000 ára gomul og skapað eftir seks døgum. Hóast fleiri amerikanarar trúgva uppá kristna skapanlæru, trýr bert 2% av amerikonskum vísindafólki tað sama, og har ið støddfrøðingar og teldufrøðingar eru taldir uppí.[3]

Í nýggjari hami hevur skapanarlæran fingið heitið "intelligent design", ið merkir skynsom sniðgeving. Royndir hava verið í Amerika at fáa fingið "intelligent design" ístaðinfyri menningarlæru í almennum skúlum, men tað er ikki komið ígjøgnum, tí tað hevur verið mett at verið kristið og har við ímóti amerikonsku grundlógini, sum snýr seg um skilnað millum kirkju og land.

  1. https://answersingenesis.org/bible-timeline/the-world-born-in-4004-bc/
  2. http://www.theglobeandmail.com/globe-debate/the-man-who-dated-creation-at-oct-23-4004-bc/article4084451/
  3. http://www.people-press.org/2009/07/09/section-5-evolution-climate-change-and-other-issues/