Birmingham

Henda greinin er ikki tann einasta við heitinum Birmingham.
Hygg at Birmingham (fleiri týdningar) fyri at finna aðrar greinir við hesum heitinum.

Birmingham er enskur stórbýur, ið liggur miðskeiðis millum London og Liverpool, í landslutinum West Midlands. Her í Birmingham búðu umleið 1.137.000 fólk í 2017 og hann er næststørsti býur í Onglandi. Býurin hevur verið miðdepil fyri kanalferðslu í Onglandi.

Søga

Birmingham fekk rættindi sum býur í 1166, tá fólk fingu loyvi til at hava marknað hvønn hósdag. Síðst í 17. øld var fólkatalið komi upp á umleið 15.000 fólk. Sum tíðin leið upp gjøgnum 18. og 19. øld vaks býurin í stórum og ídnaður av ymiskum slagið var ment í býnum. Býurin var sera týdningamikil miðdepil fyri kanalirnar í Onglandi; tær síggjast enn eins og slúsurnar. Uppfinnarar sum James Watt og Matthew Boulton, sum uppfunnu ávikavist dampmaskinuna og gasljós, vuksu upp í býnum. Í 1889 fekk Birmingham gav drotning Victoria býnum rætt til at kalla seg keypsstaður.