Wikipedia:Hendingar/Juli

Januar - Februar - Mars - Apríl - Mai - Juni - Juli - August - September - Oktober - November - Desember

---

Tað er leygardagur, hin 12. oktober, 2024 og klokkan er 21:55 (UTC)

Hetta er eitt yvirlit yvir hendingar fyri teir einstaku dagarnar í juli.

Hin 1. juli: Tjóðardagur í Burundi, Kanada, Ruanda, Somalia 1963 - Vága floghavn (myndin) letur fyri fyrstu ferð upp fyri vanligari flogferðslu. 2000 - Nýggju ung fólk verða traðkaði í hel á Pearl Jam-konsertini á Roskilde Festival. 2002 – Bashkirian Airlines Flight 2937 og DHL Flight 611 bresta saman í loftrúminum yvir býunum Owingen og Überlingen í Týsklandi, 71 fólk ið vóru við flogførunum lótu lív. vís

Hin 2. juli: 1900 - Fyrsta flogferð við luftskipi (Zeppelin). Flogið verður yvir vatnið Bodensee í Suðurtýsklandi. 1937 - Amelia Earhart (myndin), amerikonsk undangongukvinna í flogferðslu, hvørvur yvir Kyrrahavinum. 1966 - Frakland nýtir fyri fyrstu ferð koralloynna Muroroa í Kyrrahavinum til tess at gera royndarspreingingar við kjarnorkubumbum. 1988 - Føroyar gerst limur í altjóða fótbóltssambandinum FIFA. vís

Hin 3. juli: 1848 - Eftir at uppreistur hevur verið á vesturindisku oynni Sankt Croix, lýsir danski guvernørurin Peter von Scholten (myndin) í Frederiksted allar trælir á oynni sum fræls menniskju. 1985 - "Back to the furture" verður frumsýndur í amerikanskum filmhúsum, og verður hægst tjenandi filmur í 1985. vís

Hin 4. juli: Sambandsríkið Amerika hevur tjóðardag. Amerikanar hátíðarhalda fullveldið teirra frá bretum. 1776 - Amerikanska Kollveltingin: Umboðsmenn fyri øll trettan hjálondini (Second Continental Congress) samtykkja amerikansku frælsisyvirlýsingina. 1827 - Trælahald verður avtikið í New York. 1845 - Amerikanski rithøvundurin Henry David Thoreau flytir seg inn í eina lítla smáttu nærhendis vatninum Walden Pond í Concord, Massachusetts. vís

Hin 5. juli: Tjóðardagur Venesuela, Tjóðardagur Kap Verde 1884 - Kamerun gerst týskt hjáland. 1962 - Eftir harðligt frælsiskríggj, sum vardi í átta ár, lýsir Algeria seg sjálvstøðugt frá Fraklandi. 1975 - Kap Verde (myndin) gerst sjálvstøðugt land. 2003 - SARS verður mett at verða yvirvunnið av WHO. vís

Hin 6. juli: Tjóðardagur Komoroyggja, Tjóðardagur Malavi 1957 - John Lennon og Paul McCartney møtast fyri fyrstu ferð. Trý ár seinni stovna teir tónleikabólkin The Beatles (myndin). 1964 - Malavi verður sjálvstøðugt. 1975 - Komoroyggjar verða sjálvstøðugar. 1980 - Trælahald verður avtikið í Mauretania. vís

Hin 7. juli: Tjóðardagur Salomonoyggja 1947 - Roswell hendingin: Eitt rúmdarskip verður sagt at hava brotlent uttanfyri býin Roswell, New Mexico í USA. 1963 - Christianskirkjan í Klaksvík verður vígd. 1978 - Salomonoyggjar verða sjálvstøðugar. 1985 - Boris Becker (myndin) verður sum 17 ára gamal, yngsti leikari nakrantíð at vinna Wimbledon. 1994 - Løgtingsval í Føroyum. vís

Hin 8. juli: 1709 - Bardagin við Poltava: Svenski herurin, við Karl XII kongi á odda, tapir móti hermonnum hjá Pæturi Mikla russakeisara. 1760 - Bretska sjóverjan vinnur á fraklendingunum í seinasta sjóbardaga um fyrrverandi franska hjálandið Nýfrakland í Norðuramerika. vís

Hin 9. juli: Suðursudan hava tjóðardag. 2011 - Lýðveldið Suðursudan (myndin) lýsir seg sjálvstøðugt land. 1810 - Napoleon undirskrivar Rambouillet-fyriskipan um at hertaka og innlima Kongsríki Holland. Niðurlond verða verandi undir fronskum valdi til 1813. 1816 - Spanska varakongsríki í sunnara parti av Suðuramerika lýsir seg sjálvstøðugt sum "Sameindu landslutirnir við ánna La Plata", ið seinni verður nevnt Argentina. vís

Hin 10. juli: Bahamaoyggjar hava tjóðardag. 1913 - Hitin í Deyðadalinum í Kalifornia kemur upp á 56,7 °C (134 °F), sum er hægsti skjalafesti hiti á jørðini nakrantíð. 1923 - Stórheglingur hevur við sær, at 23 lata lív av kavasteinum í núverandi Russlandi, táverandi Sovjetsamveldinum. 2016 - Portugal gerst evropameistari í fótbólti í 2016, tá ið liðið vinnur finaluna móti Fraklandi 1-0 eftir longda leiktíð. vís

Hin 11. juli: Tjóðardagur Mongolia 1920 - Húsa kirkja (myndin) verður vígd. 1921 - Stóra Bretland og Lýðveldið Írland gera eina avtalu um vápnahvíld. Hervið endar Írska frælsiskríggið. 1972 - Fyrsti talvdysturin millum Boris Spasskij og Bobby Fischer um heimsmeistaraskapin byrjar í Reykjavík. 1987 - Sambært ST búgva 5 milliardir fólk á jørðini. vís

Hin 12. juli: Tjóðardagur Sao Tomi og Prinsipi 1776 - Í Plymouth í Onglandi byrjar bretski rannsóknarfarin James Cook (myndin) ferðina til Alaska at finna siglingarleið norðanfyri millum Kyrrahav og Atlantshav. Hetta er triðja og eisini seinasta rannsóknarferð hjá Cook, tí hann verður dripin á ferðini í Hawaii í 1779. 1975 - Sao Tomi og Prinsipi gerst sjálvstøðugt land. vís

Hin 13. juli: Tjóðardagur Montenegro 1772 - Onnur rannsóknarferðin hjá James Cook (myndin) byrjar í Plymouth. vís

Hin 14. juli: Tjóðardagur Fraklands 1933 - Nazistiska stjórnin bannar allar andstøðuflokkar í Týsklandi. 1976 - Deyðarevsing verður avtikin í Kanada. 2013 - Ein 18 ára gamal maður stingur fýra fólk við knívi í Norðdepli (myndin). Maðurin verður handtikin, og tey fýra offrini innløgd á Klaksvíkar Sjúkrahús. vís

Hin 15. juli: 1815 – Napoleonsku kríggini: Napoleon Bonaparte (myndin) yvirgevur seg umborð á skipinum HMS Bellerophon. 1910 - Emil Kraepelin gevur Alzheimers sjúkdóminum navn, eftir arbeiðsfelaga sínum Alois Alzheimer. 2006 - Twitter opnar fyri almenninginum, og gerst ein av heimsins størstu samfelagsmiðlum. vís

Hin 16. juli: 1661 - Fyrstu pengaseðlarnir í Evropa verða útgivnir av svenska bankanum Stockholms Banco. 1931 - Haile Selassie I keisari undirskrivar fyrstu grunnlóg Etiopia. 1935 - Heimsins fyrsti parkeringsmálari verður settur upp í Oklahoma, USA. 1965 - Mont Blanc bergholið, ið bindur Frakland og Italia saman opnar fyri almennninginum. 1979 - Saddam Hussein (myndin) gerst forseti í Irak. vís

Hin 17. juli: 1918 - Nikolaj II keisari av Russlandi verður myrdur, saman við konu síni og fimm børnum av bolsjevikum í Yekaterinburg, Russlandi. 1955 - Disneyland verður latið upp av Walt Disney (myndin) í Anaheim, California, USA 2012 - Fýra monnum eydnast at klatra upp á toppin á Trøllkonufingri, ið er ein 313 metrar høgur drangur. Teir fýra eru: Herman Eysturoy, Absalon Eysturoy, Aksel Poulsen og Bjartur Lamhauge. Tríggir aðrir eru eisini við á túrinum, men koma ikki heilt upp á toppin, teir eru: Heini Hátún, Hjálmar Hátún og ein dani. 2014 – Malaysia Airlines Flight 17, ið er eitt Boeing 777 flogfar, brotlendir nær við markið av Ukrainu og Russlandi. Staðfest verður at flogfarið er skotið niður. Øll 298 fólkini umborð lata lív. vís

Hin 18. juli: Altjóða Nelson Mandela dagur 1389 - Frakland og Ongland skriva undir friðaravtalu. Friðurin varir í 13 ár, ið er longsta friðarløta í 100-ára krígnum. 1812 - Örebro sáttmálin endar bæði tað Anglo-russiska og Anglo-svenska kríggið. 1925 - Adolf Hitler útgevur manifest sítt Mein Kampf. 1968 - Tøknifyritøkan Intel (myndin) verður sett á stovn. vís

Hin 19. juli: 1821 - Georg IV av Stórabretlandi verður krýndur. 1900 - Fyrsta linjan í Paris Métro letur upp fyri almenninginum París. 1903 - Italsk-franski Maurice Garin vinnur ta fyrstu Tour de France súkklukappingina (myndin). 1952 - Opnunarhátíð Summar-OL 1952 í Helsinki, Finnlandi. vís

Hin 20. juli: Tjóðardagur Kolumbia 1810 - Kolumbia verður sjálvstøðugt. 1944 - Drápsroynd verður gjørd á Adolf Hitler. 1969 - Mánalendingin: Neil Armstrong og Buzz Aldrin (myndin) gerast fyrstu menn at ganga á Mánanum. vís

Hin 21. juli: Tjóðardagur Belgia 1831 - Leopold av Sachsen-Coburg og Gotha verður sum Leopold I tann fyrsti kongurin av Belgia. 1944 - Seinni heimsbardagi: Claus von Stauffenberg verður skotin til deyða í Berlin fyri at hava framt drápsroynd ímóti Adolf Hitler dagin fyri. 1960 - Sirimavo Bandaranaike (myndin) verður vald til forsætisráðharra í Sri Lanka. Hetta er fyrstu ferð, at ein kvinna stendur á odda fyri eini stjórn. vís

Hin 22. juli: 2011 - Yvirgangsatsókn í Noregi: Ógvislig bumbuspreinging (myndin) seinnapartin í miðbýnum í Oslo oyðileggur fleiri stjórnarbygningar og kostar 8 fólkum lívið. Tveir tímar seinni tekur maður seg inn á summarleguna hjá Arbeiderpartiets Ungdom á Utøya og skjýtur frá hond. 69 fólk verða dripin. Tíðliga um kvøldið verður 32 ára gamli norðmaðurin Anders Behring Breivik handtikin og skuldsettur fyri at hava framt spreingingina í Oslo og hópdrápini á Utøya. vís

Hin 23. juli: Tjóðardagur Egyptaland 1952 - Hernaðarkvett í Egyptaland (myndin). Kongurin verður frákoyrdur. Heryvirmenn undir leiðslu av Gamal Abdel Nasser og M. Nagib taka valdið. vís

Hin 24. juli: 1567 - Maria Stuart (myndin) verður tvungin til at leggja frá sær sum drotning í Skotlandi. Einasti sonurin hjá Mariu gerst kongur í Skotlandi sum Jákup VI. Tíðliga í mai 1568 flýggjar Maria úr Skotlandi til Onglands, har hon verður handtikin. 2014 - Víkingur vinnur seinna dystin í øðrum undanumfari í Europa League 2-1 móti Tromsø IL og gerst harvið fyrsta føroyska liðið nakrantíð, ið megnar at leika seg í triðja undanumfar til Europa League kappingina. Málini hjá Víkingi gera Bárður Hansen og Hallur Hansson. vís

Hin 25. juli: 306 - Stutt eftir at faðirin er farin um sýnina, verður Konstantin I (Konstantin hin mikli, 272-337) av herfólkinum í Eboracum útnevndur til nýggjan keisara í Rómverjaríkinum. 1934 - Froðbiar Sóknar Róðrarfelag verður stovnað. vís

Hin 26. juli: 2011 - Pál Joensen setti Norðurlendskt met í 800 m frísvimjing við tíðini 7.45,55 til HM í Shanghai. vís

Hin 27. juli: 1794 - Í París verður hægsti kollveltingarmaður, Maximilien de Robespierre, frásettur og handtikin (myndin). Ræðslustýrið endar. vís

Hin 28. juli: 1794 - Í fronsku høvuðsstaðinum París verður Maximilien de Robespierre avrættaður við falløks (guillotinu) (myndin). vís

Hin 29. juli: 1995 - Stýrisskipanarlógin kemur í gildi og Løgmaður og landsstýrisfólkini fáa harvið ráðharraábyrgd. 2007 - Fólkakirkjan verður yvirtikin sum føroyskt sermál. vís

Hin 30. juli: 1502 - Undir fjórðu ferð síni stígur Kristoffur Kolumbus fótin á land á karibisku oynni Guanaja, ið liggur út fyri norðurstrond Honduras. vís

Hin 31. juli: 2010 - Føroyski rógvarin og ævintýrarin Livar Nysted setti nýtt heimsmet saman við trimum øðrum, tá teir róu um Norðuratlantshavið úr New York til Scilly Oyggjarnar á 43 dagar, 21 tímar og 26 minuttir. vís

Januar - Februar - Mars - Apríl - Mai - Juni - Juli - August - September - Oktober - November - Desember