8. mai

8. mai er dagur 128 í árinum í tí gregorianska kalendaranum (dagur 129 um skotár). Tað eru 237 dagar eftur av árinum. Altjóða Reyða Kross dagur verður hátíðarhildin í dag.

Hendingar

• 1521 - Týski munkurin Martin Luther verður lýstur í bann og friðleysur av týsk-rómverska keisaranum Karl V. á ríkisdegnum í Worms, tí at Luther vildi ikki taka skriftirnar aftur.
• 1794 - Franski evnafrøðingurin Antoine Lavoisier verður dømdur til deyða fyri falsan av tubakki og skattasvik. Hann verður tikin av døgum við hálshøgging í falløks (guillotinu) sama dag.
• 1886 - John Pemberton byrjar at selja "Coca-Cola" sum heilsudrykkur.
• 1902 - Gosfjallið Mount Pelee á fronsku oynni Martinique í Karibiahavinum fer at goysa ógvusliga. Størsti býur og táverandi høvuðsstaðurin St. Pierre verður lagdur í oyði og nærum øll fólkini í býnum lata lív.
• 1912 - Filmsframleiðslufyritøkan Paramount Pictures verður sett á stovn.
• 1945 - Seinni heimsbardagi endar í Evropa hendan dagin.
• 1978 - Fjallaklintrararnir Reinhold Messner og Peter Habeler verða fyrstir at røkka toppin á Mount Everest uttan at nýta eyka súrevni.
• 1983 - Norðurlandahúsið í Føroyum letur upp alment.
• 1998 - Danski fótbóltsleikarin Michael Laudrup kunnger, at hann gevst sum yrkisfótbóltsleikari eftir HM í Fraklandi.

Føðingar

• 1753 - Miguel Hidalgo, meksikanskur politikari (d. 1811)
• 1828 - Henry Dunant (d. 1910)
• 1884 - Harry S. Truman, amerikanskur forseti (d. 1972)
• 1906 - Roberto Rossellini, italskur leikstjóri (d. 1977)
• 1937 - Thomas Pynchon, amerikanskur rithøvundur.
• 1945 - Keith Jarret, amerikanskur tónleikari.
• 1954 - John Michael Talbot, amerikanskur sangari og tónaskald.
• 1958 - Roddy Doyle, írskur rithøvundur.
• 1975 - Enrique Iglesias, spanskur sangari.
• 1976 - Martha Wainwright, kanadisk songkvinna.

Andlát

• 1319 - Hákun Magnusson, kongur Noregs (f. 1270)
• 1794 - Antoine Lavoisier, franskur evnafrøðingur (f. 1743)
• 1819 - Kamehameha I, havaiiskur kongur (f. c. 1758)
• 1873 - John Stuart Mill, enskur heimspekingur (f. 1808)
• 1903 - Paul Gauguin, franskur listamálari (f. 1848)
• 2012 - Maurice Sendak, amerikanskur rithøvundur (f. 1928)