2. november

Okt - Nov - Des
Má	Tý	Mi	Hó	Fr	Le	Su
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30
Kalendari fyri 2024 Allir dagar

2. november er dagur 306 í árinum í gregorianska kalendaranum (dagur 307 um skotár er). 59 eru dagar eftir av árinum. Haruveiðitíðin byrjar 2. november (til 31. desember).

Hendingar

• 1889 - Norðurdakota og Suðurdakota gerast 39indi og 40indi statur í USA.
• 1898 - Fyrsti "Cheerleading" bólkurin verður settur á stovn í Minnesota háskúlanum í USA, tá Johnny Campell leiðir fjøldina at koyra á skúlaliðið í amerikonskum fótbólti.
• 1912 - Bulgaria vinnur á Ottomanveldinum í bardaganum um Lule Burgas, sum er tann blóðugasti bardagin í fyrra Balkankrígnum.
• 1914 - Fyrri heimsbardagi: Russland lýsir yvir kríggi ímóti Ottomanveldinum.
• 1930 - Haile Selassie verður krýndur keisari av Etiopia.
• 1936 - Kanadiska kringvarpið verður sett á stovn.
• 1936 - Bretska kringvarpið (BBC) byrjar at senda sjónvarp. Sjónvarpstøðin BBC1 sendir enn tann dag í dag.
• 1944 - Erwin Rommel marskálkur beinir fyri sær, eftir at vera handtikin fyri at hava verið uppií, tá ið miseydnað roynd varð gjørd at beina fyri týska Føraranum, Adolf Hitler.
• 1953 - Tingið í Pakistan endurnevnir landið: Islamska Lýðveldið Pakistan.
• 1957 - Amerikanska rock'n roll stjørnan Elvis Presley setur met við átta stakplátum í senn á amerikanska top 30 listanum.
• 1963 - Suðurvjetnamiski forsetin Ngô Đình Diệm verður avrættaður í einum hernaðarligum kvetti.
• 1964 - Saud kongur av Savdiarabia verður koyrdur frá í einum familjukvetti, og skiftur út við hálvbeiggja sín Faisal.
• 1965 - 31 ára gamli Norman Morrison setur eld á seg sjálvan framman fyri inngongdina av Pentagon, fyri at mótmæla nýtslu av napalm í Vjetnamkrígnum.
• 1966 - The Cuban Adjustment Act kemur í gildi. Lógin gevur 123.000 kubanarum møguleika at søkja um amerikanskan ríkisborgaraskap.
• 1977 - SMS letur upp.
• 1983 - Rockarafelagsskapurin Hells Angels verður bannaður í Vesturtýsklandi.
• 1992 - Fíggingargrunnurin frá 1992 verður stovnaður.
• 2004 - George W. Bush forseti endurvinnur forsetasessin við John Kerry sum demokratiskum mótvalevni.
• 2007 - Ímillum 50.000 og 100.00 fólk ganga mótmælisgongd í Tbilisi í Georgia, fyri at mótmæla í georgiansku tingleiðsluni
• 2013 - Gerhard Lognberg verður koyrdur úr Javnaðarflokkinum av floksleiðsluni.

Føðingar

• 1755 - Marie Antoinette, fronsk drotning, kona Ludvik 16. (d. 1793)
• 1795 - James K. Polk, amerikanskur forseti (d. 1849)
• 1865 - Warren G. Harding, amerikanskur forseti (d. 1923)
• 1913 - Burt Lancaster, amerikanskur sjónleikari (d. 1994)
• 1938 - Sofía drotning av Spania, sponsk drotning
• 1961 - k.d. lang, kanadiskur countrysangari og sangskrivari
• 1965 - Shah Rukh Khan, indiskur sjonleikari
• 1966 - David Schwimmer, amerikanskur sjonleikari
• 1974 - Nelly, amerikanskur rappari og sjónleikari

Andlát

• 1950 - George Bernard Shaw, írskur rithøvundur og Nobelprísvinnari (f. 1856)
• 1996 - Eva Cassidy, amerikonsk sangkvinna (f. 1963)