Havnar Róðrarfelag

Sermerkta drekahøvdi, sum prýðir stevni á Havnarbátinum og øðrum bátum hjá Havnar Róðrarfelag.

Sílið er mest vinnandi báturin, tá talan er um FM heitið hjá kvinnum (12 ferðir) og hjá dreingjum (8 ferðir) í tíðarskeiðnum 1973-2011.

Havnar Róðrarfelag er føroyskt róðrarfelag við heimstaði í Havn.

Havnar Róðrarfelag eigur fleiri kappróðrarbátar. Ein av teimum er Havnarbáturin sum er 10-mannafar. Havnarbáturin hevur vunnið føroyameistaraheitið 12 ferðir.

Mest vinnandi róðrarfelag í Føroyum

Havnar róðrarfelag er mest vinnandi róðrarfelag í Føroyum tá hugt verður eftir hagtølum aftur til 1973. Í 2012 hevði felagið vunnið 61 FM heitið árini 1973-2012. Havnar róðrarfelag er eisini mest vinnandi róðrarfelag, tá hugt verður eftir hagtølum frá 1973-2012 viðvíkjandi gull, silvur og bronsu á FM-kappróðrunum sum hava verið kring landið á stevnunum. Havnar Róðrarfelag vann 320 gull, 266 silvur og 227 bronsu heiðursmerki í tíðarskeiðnum 1973-2012.

Bátar hjá Havnar Róðrarfelag

• Drekin, 5 mannafar
• Sílið, 5 mannafar
• Títlingur, 5 mannafar
• Gongurólvur, 6 mannafar
• Víkingur, 6 mannafar
• Ørvur, 8 mannafar
• Bláskelin, 10 mannafar
• Havnarbáturin, 10 mannafar

Føroyameistaraheiti

Fleiri av bátunum hjá Havnar Róðrarfelag hava vunnið føroyameistaraheitið. Niðanfyri sæst yvirlit yvir tær bátsmanningar, ið hava vunni FM. Barnaróður og Masters eru ikki við í yvirlitinum. Hagtølini eru frá heimasíðuni hjá Havnar Róðrarfelag.

Bátur	Slag av báti	Slag av kappróðri	Føroyameistari ár
Drekin	5-mannafar	Dreingir (undir 18)	1993, 1996, 1997, 2012
Drekin	5-mannafar	Dreingir	2008
Drekin	5-mannafar	Kvinnur	2003
Sílið	5-mannafar	Dreingir	1973, 1974, 1978, 1983, 1992, 2002, 2003, 2008
Sílið	5-mannafar	Kvinnur	1974, 1976, 1980, 1981, 1982, 1985, 1995, 1996, 2002, 2005, 2007, 2008
Gongurólvur	6-mannafar	Kvinnur	1984, 1985, 1988, 1994, 1995, 2003, 2011
Gongurólvur	6-mannafar	Menn	1981, 1982, 1983, 1984, 1996, 2005
Ørvur	8-mannafar	Menn	1974, 1975, 1984, 1986, 1987, 1999, 2003
Havnarbáturin	10-mannafar	Menn	1973, 1974, 1975, 1976, 1977, 1978, 1979, 1990, 1991, 1996, 2001, 2004, 2008

Heiður

Í 2011 var árliga gallaveitslan fyri kappróðrarfólk hildin í neystinum hjá Argja Róðrarfelag. Havnar Róðrarfelag vann heiður í hesum bólkum:

• Besta Start hjá monnum 2011 - 8 mannfarið Ørvur
• Besta endaspurt 2011 hjá kvinnum - 6 mannfarið Gongurólvur
• Ársins come back, kvinnur - 6 mannfarið Gongurólvur

Nevndin

Havnar Róðrarfelag hevur 5-mannað nevnd:

• Skarpheðin Njálson, formaður
• Róar W. Dalsgaard, skrivari
• Sigfríður á Plógv Hansen, næstformaður
• Jóan Pauli Lamhauge, kassameistari
• Eirikur á Kletti, nevndarlimur

Myndir

• 
  Drekin á Trongisvágsfirði á jóansøku 2011.
• 
  Drekin vann róðurin hjá 5-mannaførum við dreingjum á Jóansøku 2012.
• 
  Kvinnumanningin á Gongurólvi á Jóansøku 2011. Tær vunnu eisini FM tað árið. Gongurólvur er næstmest vinnandi 6-mannafarið hjá kvinnum við 43 gull, 42 silvur og 30 bronsu heiðursmerkjum frá 1973-2011.
• 
  8-mannafarið Ørvur á jóansøku 2011
• 
  Havnarbáturin er mest vinnandi báturin hjá 10-mannaførum við 13 FM, 53 gull, 54 silvur og 41 bronsu heiðursmerkjum. Myndin er tikin á Sundalagsstevnu 2012.

Ávísngar úteftir

• Drekin.fo, Heimasíðan hjá Havnar Róðrarfelag