Estiskt mál

Estiskt er eitt finskt-ugriskt mál, ið verður tosað av umleið 1,1 milliónum fólkum, serliga í Estlandi. Eins og finskt hoyrir estiskt til tann eystrasaltfinska undirbólkin. Tað estiska málføri ið verður tosað í Suðurestlandi, er rættiliga ymiskt frá tí standardiseraða estiska málinum, og verður til tíðir roknað sum eitt sjálvstøðugt mál.

Estiskt er almenna málið í Estlandi og móðurmál fyri umleið 950.000 fólk har, ið er umleið tríggir fjórðinar av fólkatalinum.