Eivør Pálsdóttir

Eivør Pálsdóttir í Haderslev í 2008.

Eivør Pálsdóttir (fødd 21. juli 1983 í Syðrugøtu) er ein føroysk songkvinna. Hon var ársins føroyingur 2004. Hon vann "Ársins Songrødd" og saman við Clickhaze vann hon Prix Føroyar. Eitt skifti búði hon í Íslandi, har hon fekk plátusáttmála við 12 Tónar í Íslandi. Hon er ein tann kendasta av føroyskum tónleikarum og framførir ymsa staðni í Evropa. Hon hevur ofta fingið sera góð viðmæli. Hennara fyrsta fløga saman við plátufelagnum 12 Tónum í Íslandi nevnist "Krákan" og kom út í 2003. Eitt tað kendasta lagið er ivaleyst "Nú brennur tú í mær". Fyrsta fløgan hjá Eivør kom út í 2000. 18. februar 2010 skrivaði Eivør sáttmála vid Copenhagen Records. Eivør hevur fleiri ferðir vunnið føroysku tónleikaheiðurslønina Planet Awards. Í 2012 vann hon 3 Planet Awards: ársins songkvinna, ársins einstaklingur og fløga hennara Room varð kosin ársins útgáva. Í 2012 varð Eivør tilnevnd til Tónleikavirðisløn norðurlandaráðsins

Útgávur

• 2000 - Eivør Pálsdóttir (fløga) (Eivør Pálsdóttir voc, Mikael Blak b, Búi E. Dam git, Brandur Jacobsen dr, perc)
• 2002 - EP (cd) (saman við Clickhaze)
• 2002 - Yggdrasil (saman við Yggdrasil)
• 2003 - Krákan (solo)
• 2004 - Yggdrasil live in Rudolstadt (saman við Yggdrasil)
• 2004 - eivør (saman við Bill Bourne)
• 2005 - Trøllabundin (saman við DR Bigband frá Danmarks Radio).
• 2007 - Mannabarn / Human Child
• 2009 - Eivör Live
• 2010 - Undo your mind EP
• 2010 - Larva
• 2012 - Room

Umframt

• 1999 - Prix '99 v/ Clickhaze. skering 4.
• 2000 - Kenna tit Rasmus skering 4.
• 2000 - Vælskapt brek skering 11.
• 2000 - Barnabíblia - sangir og telduspøl skering 9.
• 2001 - Prix Føroyar 2001 v/ Clickhaze. skeringar 1 & 10.
• 2002 - Eg siti so eina skering 3.
• 2002 - Livandi tónleikur v/ Clickhaze. skering 7.
• 2002 - Lossingarmenn.
• 2002 - Ung um aldamótið II CD1/skering 8.
• 2004 - Mura skering 11.

Heiður

• 2004 Ársins føroingur
• Planet Awards 2009 - Ársins songkvinna.
• 2006 - Ársins dandki Folk Vokalistur
• Planet Awards 2012 - Ársins songkvinna
• Planet Awards 2012 - Ársins einstaklingur
• Planet Awards 2012 - Ársins útgáva Room
• 2013 Tilnevnd til Tónleikavirðisløn norðurlandaráðsins
• 2013 - Virðisløn frá DJBFA (Danske Jazz, Beat og Folkemusik Autorer), fekk 25.000 kr. og eina lítla standmynd (statuettu)
• 2014 - Vann FMA virðisløn í opna bólkinum - Ársins lag, fyri sangin Lurta nú
• 2014 - Vann FMA virðisløn í opna bólkinum - Ársins fløga, fyri Lítla Skrímsl

Keldur

• Planet.fo

Slóðir úteftir

• Eivor.com - Heimasíða hjá Eivør
• MySpace
• LyricWiki (tekstir)