Lopra

Lopra
Postnummar	FO 926
Kommuna	Sumbiar kommuna
Markatal	-
Íbúgvar (2013)	91

Lopra er ein niðursetubygd í Suðuroynni, bygdin liggur 5 km sunnanfyri Vág. Fólkatalið var 91 við ársbyrjan 2011. Ein tunnil bindur bygdirnar Lopra og Sumba saman, sumbiartunnilin lat upp í 1997. Akrar er lítil bygd sum liggur 2 km eystanfyri Lopra. Lopra liggur í einum dali rundan um Lopransfjørð. Tá ein kemur koyrandi úr Vági til Lopra sæst toppurin av Beinisvørði daga undan Hestinum. Eitt spískt fjall í Lopra sum minnir um eina pyramidu eitur Kirvi, topppur eitur Kirviskállur. Fjallið sunnanfyri Lopra móti Økrum eitur Siglifelli. Beint áðrenn ein kemur til Lopra er ein vík sum eitur Kirrivík, hon verður eisini nevnd Ónavík. Úr Kirrivík er ein vegur gjørdur eitt petti vestureftir, hesin førir til Lopranseiði, tó ikki heilt vestur. Lopranseiði er sera vakurt og sermerkt stað á vestursíðuni av Suðuroynni. Har er eisini Lopransholmur. Útsýnið suðureftir móti Beinisvørði er einastandandi.

Søga

• 1834 fyrsta búsetingin var í Lopra, tá bóndin Andreas Thomassen flutti sín bóndagarð frá Sumba til Lopra
• 1901 Hvalastøð varð gjørd í Lopra, hetta var tann fjórða í Føroyum
• 1908 Ein verksmiðja sum gjørdi leivdir av stórhvali til náttúru tøð varð tikin í nýtslu
• 1946 Stórhvalaveiða byrjaði aftur frá Lopra, eftir at onki virksemi hevur verið síðan 1940
• 1953 er talið av stórhvali minkað so nógv, at hvalastøðin varð stongd
• 1957 Felags skúli og kirkjubygningur fyri Lopra og Akrar varð vígdur
• 1981 Tað var borðað niður í 2178 metrar dýpd, og tey funnu lítlar nøgdir av gassi, men ikki nokk til at tað loysti seg
• 1991 Tað var sprongt fyri seinastu ferð í februar og hol varð komið ígjøgnum fjallið úr Lopra til Sumbiar, tunnilin var tó ikki tikin alment í nýtslu fyrr enn í 1997.
• 1996 Í juli varð aftur farið at bora í Ónavík, nærhendis Lopra, og hesaferð varð borað niður í 3558 m uttan at olja varð funnin, men úrslitini vóru virðismikil í sambandi við oljuleiting úti á havinum
• 1997 Í desember lat Sumbiartunnilin upp. Ein kelda var funnin tá tunnilin var gjørdur. Seinni fingu øll hús í Sumbiar kommunu vatn frá kelduni. Ein krani var settur upp á kaiini í Lopra, og har koma fólk ymsastaðni frá at fáa sær reint kelduvatn. Vágbingar nevna vatnið Lopransvatn.

Myndir

• 
  Lopra
• 
  Lopra, Suðuroy
• 
  Lopra í kava. Beinisvørð og Kirvi síggjast.
• 
  Lopranseiði
• 
  Lopranseiði, 1899
• 
  Lopranseiði, útsýni suðureftir móti Beinisvørði
• 
  Sumbiartunnilin sæst fyri framman. Vegurin til Lopra er til vinstru, gamli vegurin til Sumbiar er til høgru áðrenn tunnilin.

Sumbiar kommuna

Akrar | Lopra | Sumba | Víkarbyrgi