Fótbóltur í Føroyum

Fótbóltur í Føroyum.

Fótbóltur í Føroyum 100 years

Fótbóltur í Vagur

Søga

Føroyskur fótbóltur hevur røtur aftur í 19. øld. Í apríl mánað 1892 stovnaðu tvørámenn "Tværå Boldklub" TB, sum sostatt gjørdist fyrsta fótbóltsfelagið. Nógv ár gingu áðrenn nakað annað felag varð stovnað, so TB spældi fyri tað mesta móti eingilskum trolaramanningum og treingisvágsingum, ið møguliga eisini høvdu eitt felag um tað mundið. Smb. hundrað ára minnisritinum hjá TB eru menn tó ósamdir í hesum máli. Fyrsta veruliga fótbóltsfelag, sum varð stovnað eftir hetta, var Havnar Bóltfelag (HB), ið sá dagsins ljós í oktober 1904. Klaksvíkingar høvdu tó longu í august stovnað "Klagsvigs Idrætsforening" KÍ, men fóru teir har norðuri tó ikki at spæla fótbólt fyrr enn í 1911.

Í 1942 byrjaði landskappingin í føroyskum mansfótbólti. Henda kapping hevur síðani á hvørjum ári staðfest, hvat felag er best í Føroyum. Men øll byrjan er torfør, og tí var eingin kapping í 1944 orsaka av bólttroti.

Kappingin er broytt fleiri ferðir. Týdningarmesta broytingin hendi undan leikárinum 1976, tá ið beinleiðis upp og niðurflyting millum deildirnar varð innførd.

Í 1988 var 1.deild víðkað til 10 feløg. Í 1996 innførdi fótbóltssambandið regluna um, at vinnandi liðið í einum dysti fekk 3 stig. Í 2005 var kappingin umløgd enn einaferð, so nú spæla liðini í 1.deild 27 dystir hvør móti øðrum. Skeiva dystartalið ger, at nú fáa summi lið tveir heimadystir móti onkrum mótstøðuliðið, meðan tey fáa tveir útidystir móti onkrum øðrum. Skipanin er roynd í nøkur ár niðri í Danmark, og enn er ov tíðliga at gera nakra niðurstøðu um virði í hesi skipan fyri føroyskan fótbólt.

Í 1955 var ein føroysk steypakapping sett á stovn. Føroysk feløg høvdu tó undan hesum dystast um ymisk steyp, men hetta var fyrstu ferð, at steypakapping í fótbólti varð fyriskipað undir ÍSF. Tá ið Fótbóltssamband Føroya varð stovnað í 1979, tóku teir sær av øllum føroyskum fótbóltskappingum.

Bóltfeløg

AB, B36, EB/Streymur, FS Vágar, GÍ, HB, ÍF, KÍ, NSÍ, B71, Skála, Sumba, SÍ, TB, B68, VB.

FM vinnarar

• 2006 HB
• 2005 B36
• 2004 HB
• 2003 HB
• 2002 HB
• 2001 B36
• 2000 VB
• 1999 KÍ
• 1998 HB
• 1997 B36
• 1996 GÍ
• 1995 GÍ
• 1994 GÍ
• 1993 GÍ
• 1992 B68
• 1991 KÍ
• 1990 HB
• 1989 B71
• 1988 HB
• 1987 TB
• 1986 GÍ
• 1985 B68
• 1984 B68
• 1983 GÍ
• 1982 HB
• 1981 TB
• 1980 HB
• 1979 ÍF
• 1978 HB
• 1977 TB

Sí eisini

Føroyska fótbóltsmanslandsliðið