Munurin millum rættingarnar hjá "Atlantic Airways"
No edit summary |
No edit summary |
||
| Linja 13: | Linja 13: | ||
| lyklafólk = Niels Mortensen (Nevndarformaður) |
| lyklafólk = Niels Mortensen (Nevndarformaður) |
||
Jørgen Holme (Stjóri) |
Jørgen Holme (Stjóri) |
||
[[Magni Arge]] |
[[Magni Arge]] (Fyrrverandi stjóri) |
||
| floghavnir = [[Vágar Floghavn]] |
| floghavnir = [[Vágar Floghavn]] |
||
| frequent_flyer = [[EuroBonus]] |
| frequent_flyer = [[EuroBonus]] |
||
Endurskoðan frá 20. jan 2014 kl. 00:59
| Atlantic Airways | ||
|---|---|---|
| IATA RC | ICAO FLI | Koda FAROELINE |
| Stovnað | 10. november 1987 | |
| Byrjað flúgving | 28. mars 1988 | |
| Frequent flyer | EuroBonus | |
| Flota stødd | 4 flogfør og 3 tyrlur | |
| Ferðamál | 7 | |
| Høvuðssæti |  Sørvágur, Føroyar | |
| Lyklafólk | Niels Mortensen (Nevndarformaður)
Jørgen Holme (Stjóri) Magni Arge (Fyrrverandi stjóri) | |
| Heimasíða: http://www.atlantic.fo | ||
Atlantic Airways (føroyskt; Atlantsflog) varð stovnað tann 10. november 1987 og fleyg sín fyrsta túr millum Føroyar og Danmark 28. mars í 1988. Atlantic Airways varð stovnað til tess at menna føroyska flogvinnu og flogferðslu. Stjórin í Atlantic Airways er Magni Arge. Skrivstovan hjá Atlantic Airways liggur á flogvøllinum í Vágum og á Kastrup Flogvølli í Keypmannahavn.
Búmerkið hjá Atlantic Airways er ein súla - hetta er ikki tað einasta búmerkið, Atlantic Airways hevur havt. Áðrenn var tað 2 A í føroyskum flagglitum, sum vóru samantvinnað.
Starvsfólkaliðið telur í dag 168 ársverk, flogførini eru fýra og tyrlurnar tríggjar í tali hjá felagnum[1].Til samanberingar, so vóru í fyrsta ársfjórðing í 2008 204 fulltíðar starvsfólk hjá Atlantic Airways, og hevði felagið 7 flogfør og 3 tyrlur[2]. Felagið rekur størsta arbeiðsplássið í Vágum og telist eisini millum tey størstu í Føroyum.
Søga
- 1988 Fleyg Atlantic Airways sín fyrsta túr ímillum Føroyar og Danmark.
- 1999 Fór Atlantic Airways at flúgva til Noregs.
- 2002 Ferðafólkatalið hjá Atlantic Airways fór upp um 100 000.
- 2004 15. juni - Triðja flogfarið hjá Atlantic Airways kom til Føroya.
- 2004 Atlantic Airways verður heiðrað sum Ársins átak.
- 2006 15. mai - FaroeJet tekur kappingina upp við Atlantsflog, men gevst innan ársenda av fíggjarligum orsøkum.
- 2006 10. oktober - Ein vanlukka í Stord, Noregi krevur fýra mannalív.
- 2007 Desember varð triðingurin av partapeninginum í Atlantic Airways seldur av landsstýrinum til privat, og samstundis varð Atlantic Airways skrásett á virðisbrævamarknaðinum OMX.
- 2012 Nýggja Airbus A319-flogfarið kemur til Føroya frá flogfarssmiðjuni hjá Airbus í Hamburg tann 22. mars[3]. Flogfarið flýgir sín fyrsta rututúr tann 28. mars sama ár.
Flotin
Flotin hjá Atlantic Airways telur í dag ( august 2012) fýra flogfør og 3 tyrlur:
| Slag | Tal | Ferðafólk[4] | Skrásetingar |
|---|---|---|---|
| Airbus A319 | 1 | 144 | [OY-RCG] |
| Avro RJ100 | 1 | 97 | OY-RCC |
| Avro RJ85 | 2 | 82/95 | OY-RCD, OY-RCE |
| Bell 412 | 2 | 11/13 | OY-HSR, OY-HSJ |
| AW139 | 1 | 15 | OY-HSN |
Heiður
Trý flogfeløg vórðu heiðrað sum ársins flogfelag í Evropa við ávikavist gullmerki, silvurmerki og bronsumerki á aðalfundinum hjá European Regions Airline Association í Dublin hin 21. september 2012. Atlantic Airways fekk bronsu. Magni Arge, stjóri, fekk vegna Atlantic Airways handað Airline of the Year-heiðursmerki fyri á slóðbrótandi hátt at hava tikið nýggja navigatiónstøkni í nýtslu og hava prógvað sínar dygdir sum felag og sítt virði fyri Føroyar.[5]
Hendingar og vanlukkur
- 2008 24. mars misti ein BAe 146 nasahjólið á flogfarinum beint áðrenn fráferð úr Kastrup Floghavn. Flogfarið lendi í Føroyum uttan trupulleikar; flogskiparinir høvdu ikki uppdaga nakað óreglusemi. [6].
- 2006 10. oktober fór ein BAe 146-200A av breytini í Stord floghavn í Noreg. Umborð vóru 16 fólk. Tólv vóru ferðafólk og manningini taldið fýra. Av hesum 16 doyðu fýra, meðan hini megnaðu at rýma úr vrakinum.[7][8][9].
- 1989 í Vága Floghavn kundi ein BAe 146-200A ikki steðga á lendingarbreytini og koyrdi tí inn í eina trygdarmerking. Ongin kom til skaða.
Keldur
- ↑ s.4 í hálvársroknskaprin 2012 hjá Atlantic Airways (á enskum)
- ↑ s. 5 í 1. kvartalsroknskapinum 2008 hjá Atlantic Airways (á enskum)
- ↑ Airbus.com: "Atlantic Airways takes delivery of its new Airbus A319"(á enskum)
- ↑ Trafikstyrelsen - Nationalitetsregisteret
- ↑ Aktuelt.fo, Atlantic Airways kosið ársins evropeiska flogfelag
- ↑ "Fund af flyhjul skabte forskrækkelse" (Danskt), úr politiken.dk
- ↑ "Norway runway blaze kills three", frá BBC News, 10. oktobur 2006.
- ↑ Vanlukkufrásøgn fyri OY-CRG, frá Aviation Safety Network Database, 10. oktobur 2006.
- ↑ Fyribils vanlukkufrásøgn á norskum, frá 25. oktobur 2007
Slóðir
- Atlantic.fo.
- Airliners.net - Atlantic Airways (nógvar myndir).
- Atlantic Airways. Í: Faroe Isles Review nr. 1/1991.