Tóroddur Poulsen

Tóroddur Poulsen (føddur 15. oktober 1957 í Havn) er yrkjari, rithøvundur, listamaður og tónleikari. Tóroddur Poulsen er helst Føroya virknasti yrkjari. Hann fekk Mentanarvirðisløn M. A. Jacobsens í 1992 og Mentanarvirðisløn Landsins í 2013. Harumframt hevur hann verið tilnevndur til Bókmentavirðisløn Norðurlandaráðsisn í 1996, 2002, 2005, 2009 og 2011. Hann starvast sum rithøvundur og er búsitandi í Keypmannahavn. Tóroddur hevur givið út fleiri yrkingasøvn. Stílurin er rættiliga ymiskur, stundum prosakendur, stundum knappur og onkuntíð haikukendur. Í sínum yrkingum lýsir hann m.a. tann innara heimin, mótsetningar í samtíðini og moralin. Hann kann vera speirekandi og atfinningarsamur eins og kensluborin.

Útgivið

• 1984 - Botnfall (yrkingasavn)
• 1986 - Fullir einglar (yrkingasavn)
• 1988 - Heilagt kríggj (yrkingasavn)
• 1989 - Innivist (yrkingasavn)
• 1991 - Navn nam við navn (yrkingasavn)
• 1992 - Villur (yrkingasavn)
• 1993 - Eygu á bliki (yrkingasavn)
• 1994 - Reglur (prosa)
  • 1997 - Regler (svensk útgáva)
  • 2006 - Regelwerk (týsk útgáva í "Von Inseln weiß ich...")
• 1996 - Steðgir (yrkingasavn)
• 1997 - Sót og Søgn (prosa)
• 1998 - Standsninger (úrval av egnum yrkingum í danskari týðing) (yrkingasavn)
• 1999 - Speispei spei (yrkingarsavn)
• 2000 - Vatnið ljóðar sum um onkur hevur drukkið av tí/vandet lyder som om nogen har drukket af det (yrkingasavn)
• 2000 - Blóðroyndir (yrkingasavn)
  • 2002 - Blodprøver (Donsk útgáva)
• 2001 - Villvísi (yrkingasavn)
• 2002 - Royggj (yrkingasavn)
• 2004 - Eygnamørk (yrkingasavn)
• 2005 - Morgunbókin
• 2006 - Hvat hevði Munch verið uttan Dupultkvartettina í Ebenezer
• 2007 - Rot
• 2008 - Útvølir

Á donskum

• Udsyn - Útsýni. Digte. Torgard, 2011.
• Øjenhuller = Eygnaholur.. Digte. Edition After Hand, 2010.
• Stensætninger = Steinsetingar.. Digte. Edition After Hand, 2008.
• Blodprøver. Digte. Edition After Hand, 2002.
• Vandet lyder som om nogen har drukket af det.. Digte. Edition After Hand, 2000.
• Standsninger. Digte. Politisk revy, 1998.

Fløgur

• 2008 Garasjuguð: rock against færøkitsch
• 2007 s.v. Kaj Klein: Ùr maskinrúminum
• 2003 s..v. Lot: Veðrið eigur orð
• 2005 - Morgunbókin (yrkingasavn)
• 2006 - Hvat hevði Munch verið uttan Dupultkvartettina í Ebenezer (yrkingasavn)

Heiðurslønir og tilnevningar

• 1992 - Bókmentavirðisløn M.A. Jacobsens fyri fagrar bókmentir.
• 1996 - Reglur í uppskoti til Bókmentavirðisløn Norðurlandaráðsins.
• 2002 - Blóðroyndir í uppskoti til Bókmentavirðisløn Norðurlandaráðsins.
• 2013 - Mentanarvirðisløn Landsins

Slóðir

• afsnitp.dk - "Hvad er visuel poesi?"
• Rithøvundafelag Føroyar - Tóroddur Poulsen